సకల పునీతుల పండుగ | All Saints day
ప్రతి ఏటా నవంబర్ 1వ తేదీన మన విశ్వ కతోలిక తల్లి శ్రీసభ సకల పునీతుల యొక్క మహోత్సవాన్ని కొనియాడుతుంది . శ్రీసభ యొక్క ముఖ్యమైన పవిత్ర దినం. ఈరోజు మన తల్లి శ్రీసభ పునీతుల యొక్క జీవితాలను మనకు ఆదర్శంగా చూపిస్తూ మన అందరిని కూడా వారి బాటలో నడవమని తెలియజేస్తూ ఉన్నది .
దేవుని యొక్క వాగ్దానానికి వేచి ఉండాలి, ధన్యతగల జీవితమును జీవించడమే పునీత జీవితం, అదియే క్రైస్తవ జీవితము. పునీతుల జీవితం మనకు ఆదర్శం కావాలి. వారి అడుగుజాడలలో నడవడానికి ప్రయత్నం చేయాలి.
ఈరోజు మన తల్లి శ్రీసభ పునీతుల యొక్క జీవితాలను మనకు ఆదర్శంగా చూపిస్తూ మన అందరిని కూడా వారి బాటలో నడవమని తెలియజేస్తూ ఉన్నది . చరిత్ర చూసినట్లు ఐతే పోప్ గ్రెగొరీ III (731-741) రోమ్‌లోని సెయింట్ పీటర్స్ బసిలికాలోని పునీతులందరికీ వారి త్యాగానికి జ్ఞాపకార్థంగాను మరియు గౌరవార్ధంగాను ఒక ప్రార్థనా మందిరాన్ని నిర్మించారు మరియు ఈ ఆలయాన్ని పునీతుల కొరకు సమర్పించారు. ఇలా సమర్పించిన తదుపరి ప్రతి ఏటా నవంబర్ 1వ తేదీన సకల పునీతుల మహోత్సవాన్ని జరుపుకోవాలని పోప్ గ్రెగొరీ గారు ఆలయ పెద్దలను ఆదేశించారు . ఈ పండుగ మొదట రోమ్ నగరమునకు (డియోసెస్‌కు) మాత్రమే పరిమితం చేయబడింది, అయితే పోప్ గ్రెగొరీ IV (827-844) ఈ పండుగను మొత్తం విశ్వ శ్రీ సభ ఆనందోత్సాహాలతో కొనియాడాలని ఆదేశించారు మరియు దీనిని నవంబర్ 1నే అందరూ జరుపుకోవాలని ఆదేశించారు.
Article and Design By
M. Kranthi Swaroop
RVA Telugu Online Content Producer
