శస్త్రచికిత్స తర్వాత కోలుకుంటున్న పోప్ లియో
పరిశుద్ధ లియో పాపు గారి ఆరోగ్యంపై తాజా సమాచారం ప్రకారం, శస్త్రచికిత్స అనంతరం ఆయన కోలుకోవడం ఆశాజనకంగా కొనసాగుతోంది. రక్త పరీక్షలు, ఛాతీ ఎక్స్‌రే ఫలితాలు సాధారణంగా ఉన్నాయని వైద్యులు తెలిపారు. ఆయన శ్వాస సంబంధిత ఫిజియోథెరపీ చేయించుకుని, ఆసుపత్రి గదిలో నడవడం ప్రారంభించారు. సాధారణ ఆహారం కూడా తీసుకుంటున్నారు.
పరిశుద్ధ లియో పాపు గారి ఆరోగ్య పరిస్థితిని వైద్య బృందం నిరంతరం పర్యవేక్షిస్తోంది. క్యాన్సర్ వ్యాప్తి, తదుపరి చికిత్సకు సంబంధించిన పూర్తి వివరాలు అందుబాటులోకి రావాల్సి ఉంది. ఆయన నవంబర్‌లో దక్షిణ అమెరికా పర్యటనకు వెళ్లాల్సి ఉండగా, శస్త్రచికిత్స అనంతర కోలుకునే సమయాన్ని బట్టి ఆ పర్యటనపై ప్రభావం ఉండే అవకాశం ఉంది.
71 ఏళ్ల పరిశుద్ధ లియో పాపు గారికి సాధారణ వైద్య పరీక్షల సమయంలో కుడి ఊపిరితిత్తిలో చిన్న, నిర్దిష్ట ప్రాంతానికి పరిమితమైన కణితిని వైద్యులు గుర్తించారు. ఇది లంగ్ అడెనోకార్సినోమా (Lung Adenocarcinoma) అనే ఊపిరితిత్తుల క్యాన్సర్ గా నిర్ధారణ అయింది.పరిశుద్ధ లియో పాపు గారి ఊపిరితిత్తులలోని కణితిని తొలగించేందుకు రోమ్‌లోని జెమెల్లీ ఆసుపత్రిలో అక్టోబర్ 13న విజయవంతంగా శస్త్రచికిత్స నిర్వహించారు.దీనికి వీడియో సహాయంతో నిర్వహించే ఛాతీ శస్త్రచికిత్స పద్ధతిని ఉపయోగించారు.
పరిశుద్ధ లియో పాపు గారు త్వరగా కోలుకోవాలని ప్రపంచవ్యాప్తంగా ఉన్న క్రైస్తవ విశ్వాసుల ప్రార్థనలు చేస్తున్నారు.
Article and Design By M Kranthi Swaroop
