ఘనంగా దివ్యవాణి టీ.వి నూతన భవన వార్షికోత్సవం వేడుకలు

ఘనంగా దివ్యవాణి టీ.వి నూతన భవన వార్షికోత్సవం వేడుకలు

ఘనంగా దివ్యవాణి టీ.వి నూతన భవన వార్షికోత్సవం వేడుకలు 

హైదరాబాద్: రామంతాపూర్‌లోని  దివ్యవాణి టీ.వి నూతన భవన ప్రథమ వార్షికోత్సవ వేడుకలు ఘనంగా జరిగాయి. ఈ వేడుకలు దివ్యవాణి టీవీ సీఈఓ ఫాదర్ డా. ఐ. లూర్దురాజ్ SJ,  గారి ఆధ్వర్యంలో ఘనంగా జరిగాయి. 

ఈ కార్యక్రమానికి ముఖ్య అతిథిగా శ్రీకాకుళం పీఠాధిపతులు మరియు దివ్యవాణి టీవీ ఉపాధ్యక్షులు మహా పూజ్య డా. విజయ్ కుమార్ రాయరాలా, PIME గారు పాల్గొని  ఇతర గురువులతో కలసి  దివ్యబలి పూజను సమర్పించారు.

దివ్యవాణి టీవీ సీఈఓ ఫాదర్ డా. ఐ. లూర్దురాజ్ SJ,  గారు మాట్లాడుతూ "24, ఫీట్  ఎత్తు  60* 40 ప్రొఫెషనల్ డైమెన్షన్ తో స్టూడియో మన టిసిబిసి కి మాత్రమే ఉంది అని దివ్యవాణి టీవీ కి సపోర్ట్ చేస్తున్న డోనర్స్ కి , సిబ్బంది అందరికీ కూడా  ధన్యవాదాలు తెలిపారు. 

ఏలూరు దివ్యవాణి టీవీ కోఆర్డినేటర్ ఫాదర్ రాజు గారు మరియు దివ్యవాణి టీవీలో సేవలందిస్తున్న  సిస్టర్స్ మరియు దివ్యవాణి టీవీ సిబ్బంది  తన సహాయ సహకారాలను అందించారు. 

 ఈరోజు దేవుడు ఇంత గొప్పగా ఈ దివ్యవాణిటీవీ ఛానల్ ని ఆశీర్వదించారు అంటే "ఇది ఆయన సంకల్పం, ఆయన ఏర్పాటు చేసుకున్నటు వంటి మాధ్యమం అని ,  ఇది ఆయన పని కాబట్టి కొనసాగుతూనే ఉంటుంది" అని దివ్యవాణిటీవీ ప్రోగ్రాం డైరెక్టర్ ఫాదర్ ప్రశాంత్ గారు అన్నారు.  

అనంతరం జరిగిన ప్రత్యేక కార్యక్రమంలో దివ్యవాణి టీవీ అభివృద్ధికి ఆర్థికంగా సహకరిస్తున్న దాతలకు (Donors), అలాగే దివ్యవాణి టీవీకి వివిధ కార్యక్రమాలను అందిస్తూ తమ సేవలను కొనసాగిస్తున్న కార్యక్రమ రూపకర్తలకు  నిర్వాహకులు ఘనంగా సన్మానం చేశారు. 

ఈ కార్యక్రమంలో  ప్రముఖ ఆధ్యాత్మిక ప్రసంగికురాలు శ్రీమతి జసింతా రాణి” గారు , శ్రీమతి  భాను గారు, బ్రదర్ సత్యం గారు, శ్రీమతి లూసీ రెడ్డి గారు, జాన్ పీటర్ గారు , మేరీ సౌజన్య గారు, జోష్న గారు ,రేడియో వెరితాస్ ఆసియ ప్రొడ్యూసర్స్ బండి అరవింద్ , క్రాంతి స్వరూప్  తదితరులు పాల్గొన్నారు. 

దివ్యవాణి టీవీ తన ప్రసార పరిచర్యలో 10ఏళ్ల ప్రస్థానాన్నిపూర్తి చేసుకోవడం మరియు నూతన దివ్యవాని కేంద్రం ఒక సంవత్సరం పూర్తి చేసుకోవడం మనందరికీ ఆనందదాయకం. 

దివ్యవాణి టీవీ ప్రథమ వార్షికోత్సవ వేడుకల సందర్భంగా ఛానల్ అభివృద్ధికి నిరంతరం కృషి చేస్తున్న వివిధ విభాగాల అధిపతులకు, ముఖ్యంగా ప్రొడక్షన్, కెమెరా, ప్రోగ్రామింగ్, ప్రోగ్రామ్ కంటెంట్ మరియు ప్రమోషన్స్ విభాగాల్లో పనిచేస్తున్న మరియు  తెరవెనుక ఉండి నిరంతరం శ్రమిస్తున్న ప్రతి ఒక్కరికీ  ఫాదర్ డా. ఐ. లూర్దురాజ్ SJ,  గారు మరియు ఫాదర్ ప్రశాంత్ గారు  ఈ సందర్భంగా హృదయపూర్వక ధన్యవాదాలు తెలియజేశారు.

Article and design by M Kranthi swaroop

 


 

Telugu Survey Popup Image