ఒకే రూపం.. ఒకే చోట: కేరళలో కవలల పండుగ!
భారతదేశంలోని అత్యంత విశిష్టమైన మతపరమైన వేడుకలలో ఒకటైన "కవలల మహాసభ" శుక్రవారం జూన్ 19 న కేరళలోని కొత్తనల్లూరులో వందలాది మంది కవలలు సమక్షంగా ఘనంగా జరిగింది.
సెయింట్స్ గెర్వాసిస్ మరియు ప్రోథాసిస్ ఫోరేన్ చర్చి లో ఈ వేడుక జరిగింది.
ఈ చర్చి యొక్క రక్షక సాధువులైన గెర్వాసిస్ మరియు ప్రోథాసిస్ ఇద్దరూ కవలలు (ట్విన్స్) వారి జ్ఞాపకార్థం ప్రతి సంవత్సరం ఈ ప్రత్యేక ఉత్సవాన్ని నిర్వహిస్తారు.
ఈ వేడుకలో భాగంగా కవలలందరితో కలిసి ఒక భారీ ఊరేగింపు నిర్వహించారు .దివ్యబలిపూజ మరియు ప్రత్యేక ప్రార్థనలు భక్తియుతం గా జరిగాయి. దాదాపు రెండు దశాబ్దాల క్రితం చర్చి ఈ వేడుకకు కవలలను ఆహ్వానించడం ప్రారంభించినప్పటి నుండి ఈ సమావేశం గణనీయంగా పెరిగిందని ఫాదర్ రోబీ కన్నంచిర అన్నారు.
2006 లో కేవలం 35 జంటలతో ప్రారంభమైన ఈ వేడుక, ఇప్పుడు పెద్ద పండుగా లా మారింది. ఇటీవలి కాలంలో 500 నుండి 730 జంటల కంటే ఎక్కువ మంది కవలలు దేశవ్యాప్తంగా ఇక్కడికి తరలివస్తున్నారు. ఈ ఉత్సవంలో కేవలం క్రైస్తవులే కాకుండా, అన్ని మతాలకు చెందిన కవలలు ఈ పార్దనలో పాల్గొంటారు. ఇక్కడ పసిపిల్లల నుండి ముసలివారి వరకు అన్ని వయసుల కవలలు ఒకే చోట సందడి చేస్తారు.
ఈ చర్చి పరిధిలో ఉన్న స్థానిక గ్రామంలోనే వందలాది మంది కవలలు జన్మించడం విశేషం. సంతానం లేనివారు లేదా కవల పిల్లలు కావాలనుకునేవారు ఈ చర్చికి వచ్చి ప్రార్థిస్తే కోరిక నెరవేరుతుందని ఇక్కడి ప్రజల బలమైన నమ్మకం.
కేరళలోని కొట్టాయం జిల్లా కోతనల్లూరులో ఉన్న సెయింట్స్ గెర్వాసిస్ మరియు ప్రోథాసిస్ ఫోరేన్ చర్చి (St. Gervasis & Prothasis Forane Church) అత్యంత పురాతనమైన చారిత్రక క్రైస్తవ దేవాలయం. దీనిని పర్షియన్ మిషనరీలు క్రీ.శ. 826 లో స్థాపించారని నమ్ముతారు.
ప్రతి సంవత్సరం జూన్ 19న ఈ సెయింట్ల పండుగను ఘనంగా జరుపుకుంటారు. ఈ సందర్భంగా కేరళ నలుమూలల నుండి కవలలు (Twins) ఇక్కడికి భారీగా చేరుకుంటారు. ఈ చర్చి కవలలైన సెయింట్ గెర్వాసిస్, సెయింట్ ప్రోథాసిస్ లకు అంకితం చేయబడింది. స్థానికంగా వీరిని "కంతీశంగళ్"(Kantishangal) అని పిలుస్తారు.జనవరి 1న జరుపుకునే 'సర్కమ్సిషన్ ఆఫ్ జీసస్' (The Circumcision of Jesus)ఈ దేవాలయం యొక్క మరో ప్రధాన పండుగ.
Article and Design By M Kranthi Swaroop
