అమెజాన్ ఆదివాసీలను కలిసిన పోప్ లియో

అమెజాన్‌లో ఆదివాసీ సమాజ ప్రతినిధులు, మిషనరీలతో సమావేశమైన పోప్,
2018లో పోప్ ఫ్రాన్సిస్ పెరూలో పర్యటించిన సందర్భాన్ని గుర్తుచేసుకున్నారు 

పోప్ ఇద్దరు వ్యక్తుల వాంగ్మూలాలను ఆలకించారు. అయితే, ఇన్నేళ్లు గడిచినా వారి సమస్యల్లో ఎలాంటి మార్పు కనిపించడం లేదు, తమ గృహాలు, భూములను కాపాడుకునే క్రమంలో అనేకమంది ప్రాణాలు కోల్పోతున్నారని, విద్య, వైద్య సదుపాయాలు ఇప్పటికీ వారికి అందుబాటులో లేవని పలువురు తమ ఆవేదనను వెల్లడించారు.

ముఖ్యంగా మహిళలు, బాలికలు, యుక్తవయస్కులు ఎదుర్కొంటున్న హింస, లైంగిక దోపిడీ తీవ్ర గాయాలను మిగులుస్తున్నాయని, వాటిపై సమాజం మౌనం వహించడం, నేరస్థులకు శిక్షలేమికి దారితీస్తోందని పోప్ పేర్కొన్నారు.

అక్రమ మైనింగ్, చమురు లీకేజీల కారణంగా అడవుల నరికివేత, జల కాలుష్యం పెరుగుతున్నాయని, మాదకద్రవ్యాల అక్రమ రవాణా, యువత పేదరికాన్ని ఆసరాగా చేసుకుని వారిని తమ సంస్కృతికి దూరం చేస్తోందని పోప్ ఆందోళన వ్యక్తం చేశారు.

ఆదివాసీ సమాజాలు ఒంటరివి కావని భరోసా ఇచ్చిన పోప్, మారుమూల ప్రాంతాల్లో విశ్వాసాన్ని చాటిచెబుతున్న గురువులు, పాస్టరల్ సేవకులకు కృతజ్ఞతలు తెలిపారు. ఆదివాసీ సంస్కృతికి ప్రతీకగా అందించిన ప్రత్యేక బహుమతులను స్వీకరిస్తూ ఈ సమావేశాన్ని ముగించారు.

Telugu Survey Popup Image