విచక్షణ లేని విజ్ఞానం మానవాళికి ముప్పన్న పోప్

పెరూలోని చిక్లాయో నగరంలో ఉన్న సెయింట్ Turibius of Morgovejo కతోలిక విశ్వవిద్యాలయాన్ని సందర్శించిన పోప్ లియో, శాస్త్ర సాంకేతిక రంగాల్లో వస్తున్న మార్పులపై విద్యార్థులకు, అధ్యాపకులకు కీలక సందేశాన్ని అందించారు.

విశ్వవిద్యాలయాలు కేవలం ఉద్యోగాలకు అవసరమైన నైపుణ్యాలను అందించే కేంద్రాలుగా మాత్రమే కాకుండా, సత్యాన్వేషణకు, వివేకంతో కూడిన నిర్ణయాలకు వేదికలుగా నిలవాలని పోప్ పిలుపునిచ్చారు.

మనస్సాక్షి లేని విజ్ఞానం ప్రాణాలకు ముప్పు కలిగిస్తుందని, మానవ గౌరవం కంటే సామర్థ్యానికి, లాభాలకు ప్రాధాన్యత ఇచ్చినప్పుడు ప్రమాదాలు తలెత్తుతాయని పోప్ హెచ్చరించారు.

యంత్రాలు, కంప్యూటర్ కార్యక్రమాలు ఎన్నటికీ అందించలేని జ్ఞానవివేకాన్ని మనిషి పెంపొందించుకోవాలని, సాంకేతిక అభివృద్ధి సమగ్ర మానవ వికాసానికి, సమాజ శ్రేయస్సుకు దోహదపడాలని ఆయన సూచించారు.

మానవ పరిమితులు లోపాలు కావని, అవే మానవ జీవిత ఔన్నత్యంలో భాగమని క్రైస్తవ మానవతా దృక్పథం గుర్తుచేస్తోందని పేర్కొంటూ, ప్రతి మనిషి గౌరవాన్ని కాపాడేలా విజ్ఞాన శాస్త్రం, సాంకేతికత ఉపయోగపడాలని పోప్ లియో  పిలుపునిచ్చారు.

Telugu Survey Popup Image