అవినీతికి నిజాయితీతో సమాధానమివ్వాలన్న పోప్

అమెజాన్ ప్రాంత ప్రజలతో సమావేశమైన అనంతరం, పోప్ లియో క్రీడా ప్రాంగణానికి చేరుకుని దివ్యబలిపూజను సమర్పించారు. ఈ సందర్భంగా ప్రజలు ఆయనకు ఘనస్వాగతం పలికారు.

దేవుడు మానవాళికి ప్రసాదించిన జీవితం, భూమి అనే వరాలను మనిషి ఎలా వినియోగిస్తున్నాడనే అంశంపై పోప్ లియో ప్రసంగించారు.

జీవన గౌరవాన్ని దెబ్బతీసే ప్రతి చర్య భూమి అందాన్ని నాశనం చేస్తుందని, కార్మికుల దోపిడీ పర్యావరణ ఉల్లంఘనతో సమానమని, ప్రజలపై హింస భూమిపై హింసేనని పోప్ పేర్కొన్నారు.

యువత భవిష్యత్తును తీర్చిదిద్దడం, పిల్లలను సంరక్షించడం, వృద్ధులను కాపాడడం, పేదలు, అణగారిన వర్గాలకు అండగా నిలవడం ప్రతి ఒక్కరి బాధ్యతని ఆయన గుర్తుచేశారు. హింసను ప్రేమతో ఎదుర్కోవాలని, అవినీతికి నిజాయితీతో సమాధానమివ్వాలని పిలుపునిచ్చారు.

Telugu Survey Popup Image