పెరూలో అపోస్తలిక పర్యటనను ముగించిన పోప్ లియో

జగత్గురువుగా ఎన్నిక కాకముందు ఎనిమిదేళ్ల పాటు చిక్లాయో పీఠాధిపతిగా సేవలందించిన పోప్ లియో, అక్కడి ప్రజలతో తనకున్న అనుబంధాన్ని మరోసారి గుర్తుచేసుకున్నారు.

ఈ పర్యటనలో తీర ప్రాంతాల నుంచి ఆండీస్ పర్వత ప్రాంతాల వరకు, అమెజాన్ ప్రాంతం సహా దేశవ్యాప్తంగా తనకు ఘనస్వాగతం పలికిన ప్రజలందరికీ ప్రత్యేక కృతజ్ఞతలు తెలిపారు.

ప్రజలతో ఐక్యతగా గడిపిన సమయాల్లో దేవుడు సమృద్ధిగా ప్రసాదించిన దీవెనలు, అనుగ్రహాలకు తన హృదయం కృతజ్ఞతతో నిండిపోయిందని పోప్ పేర్కొన్నారు.

పెరూలో తాను ఒక కుటుంబ సభ్యుడిగా ఆదరించబడ్డారని, ఇక్కడే ఒక పీఠాధిపతిగా ఎలా సేవ చేయాలో నేర్చుకున్నానని, ఇప్పుడు పేతురు వారసునిగా మరింత బాధ్యతాయుతంగా సేవ చేయడం నేర్చుకున్నానని తెలిపారు.

వీధుల్లో కలిసిన చిన్నారుల చిరునవ్వులు, యువత ఉత్సాహం, కుటుంబాల ఆప్యాయత, వృద్ధుల ప్రేమ, ప్రజల పాటలు, నృత్యాలు తన విశ్వాసాన్ని, ప్రపంచమంతటా సువార్తను చాటిచెప్పాలనే మిషనరీ స్ఫూర్తిని మరింత బలోపేతం చేశాయని చెబుతూ పెరూ ప్రజలకు వీడ్కోలు పలికారు.

Telugu Survey Popup Image