పోప్ లియో ముఖచిత్రంతో కొత్త వాటికన్ నాణేల సెట్ విడుదల!
కొత్త వాటికన్ యూరో నాణేల సెట్పై పరిశుద్ధ లియో XIV పాపు గారి ముఖచిత్రం అధికారికంగా ముద్రించబడింది. ఇది పోప్ లియో XIV పోంటిఫికేట్లో విడుదలైన తొలి అధికారిక యూరో నాణేల సెట్.
జూలై 30న వాటికన్ సిటీ స్టేట్ గవర్నరేట్ ప్రకటించిన ప్రకారం, ఈ నాణేలు పరిశుద్ధ లియో XIV పాపు గారి కొత్త పోంటిఫికేట్కు గుర్తింపుగా విడుదల చేసిన అధికారిక వాటికన్ యూరో కలెక్టర్ నాణేల సెట్లో భాగంగా ఉన్నాయి.
పోప్ లియో XIV చిత్రంతో విడుదలైన ఈ కొత్త నాణేలు, పోప్ ముఖచిత్రాన్ని కలిగి ఉన్న తొలి వాటికన్ నాణేలు కాకపోయినా, పూర్తిగా కొత్త రూపకల్పనతో ప్రత్యేక ఆకర్షణగా నిలిచాయి. ఈ సిరీస్లో 1-సెంట్, 2-సెంట్ మరియు 5-సెంట్ యూరో నాణేలపై పోప్ లియో XIV రాజచిహ్నం (Coat of Arms) ముద్రించబడగా, 10, 20, 50 సెంట్తో పాటు 1 యూరో మరియు 2 యూరో నాణేలపై ఆయన ముఖచిత్రం ముద్రించబడింది.
2017లో పోప్ ఫ్రాన్సిస్ ఒక నిరాడంబరమైన నిర్ణయం తీసుకున్నారు. దైనందిన ఆర్థిక లావాదేవీల్లో వాడే నాణేలపై తన ముఖచిత్రం ఉంటూ, ప్రజలు తనను ఒక "సమర్పణ వస్తువుగా" చూడటం ఆయనకు ఇష్టం లేదు.ఆయన స్వయంగా కోరడం వల్ల, వాటికన్ సిటీ స్టేట్ 2017 మార్చి నుండి నాణేలపై ఆయన ముఖాన్ని పూర్తిగా తొలగించింది. వాటి స్థానంలో కేవలం ఆయన అధికారిక రాజచిహ్నాన్ని (Papal Coat of Arms) మాత్రమే ముద్రించడం ప్రారంభించారు.
యూరోపియన్ సెంట్రల్ బ్యాంక్ ప్రకారం , యూరో కోసం మొదటి వాటికన్ నాణేలు 2002లో సెయింట్ జాన్ పాల్ II ముఖచిత్రంతో జారీ చేయబడ్డాయి. 2006–2013 మధ్య, పోప్ బెనెడిక్ట్ XVI ముఖచిత్రంతో మరో సెట్ నాణేలు జారీ చేయబడ్డాయి.
Article and design by M Kranthi Swaroop
RVA Telugu Online Content Producer
