ఘనంగా నూతన దేవాలయ ప్రతిష్ట మహోత్సవం
![](/sites/default/files/styles/max_width_770px/public/2024-06/ghanamgaaa_nautana_daeevaaalaya_parataisata_mahaootasavam_0.jpg?itok=k8_L2WhR)
ఘనంగా నూతన దేవాలయ ప్రతిష్ట మహోత్సవం
విశాఖ అతిమేత్రాసనం, కింతలి గ్రామంలో నూతన దేవాలయ ప్రతిష్ట మహోత్సవం ఘనంగా జరిగింది. ఈ దేవాలయాన్ని "అద్భుత బాలయేసు దేవాలయం" గా నామకరణం చేసారు.
ఈ సుందర దేవాలయాన్ని కీ.శే., పాము ఉర్బన్న గారి జ్ఞాపకార్ధం వారి శత జయంతి సందర్భంగా ఈ దేవాలయం వారి కుటుంబ సభ్యుల ఆర్ధిక సహాయంతో నిర్మించడం జరిగినది.
జూన్ 10,2024 తేదీ సోమవారం ఉ॥10 గం. ఈ దేవాలయ ప్రతిష్ట మహోత్సవం కన్నుల పండుగగా జరిగింది. విశాఖ అతిమేత్రాసన అపోస్తిలిక పాలన ఆధికారి మహా పూజ్య డా|| పొలిమేర జయరావు గారు నూతన దేవాలయ ప్రతిష్ట మహోత్సవ దివ్య పూజబలిని ఇతర గురువులతో కలసి సమర్పించారు.
అధికసంఖ్యలో విశ్వాసులు , గురువులు మరియు కీ.శే., పాము ఉర్బన్న గారి కుటుంబ సభ్యులు ఈ కార్యక్రమం లో పాల్గొన్నారు. కీ.శే., పాము ఉర్బన్న గారి కుమారుడు శ్రీ PM రాజు గారు మాట్లాడుతూ "మా కుటుంబ సభ్యులు అందరూ ప్రతినెలా వారి ఆదాయము నుండి 10% దేవునికి ఇవ్వవలసిన భాగం డబ్బులుతో ఇలాంటి దేవాలయాలు గ్రామాల్లో నిర్మించుటకు ఉపయోగించుచున్నామనీ తెలుపుతూ ఇది వారి 12 వ ప్రాజెక్టు అని ఆనందం వ్యక్తం చేశారు. మరియు ఇది దేవుని కార్యము అని , ఈ అవకాశం ఇచ్చిన దేవునికే మహిమ కలుగును అని అన్నారు.
విచారణకర్తలు గురుశ్రీ ఫ్రాన్సిస్ గారు మాట్లాడుతూ విచారణ పెద్దలకు , ప్రజలకు మరియు కీ.శే., పాము ఉర్బన్న గారి కుటుంబ సభ్యులకు హృదయపూర్వక కృతజ్ఞతలు తెలిపారు.
Article and Design By
M. Kranthi Swaroop
RVA Telugu Online Content Producer