మహారాణిపేటలో పునీత అంతోని వారి పవిత్ర అవశేషాల ప్రదర్శన

మహారాణిపేటలో పునీత అంతోని మరియు పునీత ఫ్రాన్సిస్ ఆఫ్ అసిస్సి గారి పవిత్ర అవశేషాల ప్రదర్శన

విశాఖ అతిమేత్రాసనం , విశాఖపట్నం లోని మహారాణిపేటలోని ప్రముఖ పునీత అంతోని గారి దేవాలయంలో పునీత అంతోని మరియు పునీత ఫ్రాన్సిస్ ఆఫ్ అసిస్సి గారి పవిత్ర అవశేషాలను భక్తుల సందర్శనార్థం ప్రదర్శించారు.ఆ పవిత్ర క్షణాలను వీక్షించడానికి మరియు ఆయన ఆశీస్సులు అందుకోవడానికి అధిక సంఖ్యలో భక్తులు పాల్గొన్నారు.

ఈ కార్యక్రమంలో విశాఖ అతిమేత్రాసన వికార్ జనరల్ ఫాదర్ డి. బాలశౌరి గారు విచారణకర్తలు ఫాదర్ పరమ్ జ్యోతి గారు, ఇతర గురువులు పాల్గొన్నారు.

కతోలిక సంప్రదాయం ప్రకారం, పునీతుల శరీర భాగాలు లేదా వారు ఉపయోగించిన వస్తువులను 'పవిత్ర అవశేషాలు' (Relics) గా పరిగణిస్తారు.

భారతదేశంలోని వివిధ ప్రాంతాలతో పాటు తెలుగు రాష్ట్రాలైన తెలంగాణ మరియు ఆంధ్రప్రదేశ్‌లలోని ప్రముఖ పుణ్యక్షేత్రాలకు ఈ పవిత్ర అవశేషాలను గతంలో ప్రత్యేక యాత్రగా తీసుకురావడం జరిగింది.

విశాఖపట్నంలోని ప్రముఖ మహారాణిపేటలో ఉన్న పునీత అంతోని గారి దేవాలయం (సెయింట్ ఆంథోనీస్ చర్చ్) ఒక చారిత్రాత్మక మరియు ఆధ్యాత్మిక కేంద్రంగా విరాజిల్లుతోంది. 

ఇక్కడ కొలువైన పునీత అంతోని (saint anthony ) గారిని "కోరిన కోర్కెలు తీర్చే పుణ్యమూర్తి"గా మరియు "కోల్పోయిన వస్తువులను తిరిగి ఇప్పించే పునీతునిగా " భక్తులు ఎంతో భక్తితో కొలుస్తారు. ప్రతి మంగళవారం ఇక్కడ జరిగే ప్రత్యేక ప్రార్థనలకు భారీ సంఖ్యలో భక్తులు హాజరవుతారు.

Article and Design By M Kranthi Swaroop