పరిశుద్ధ ఫ్రాన్సిస్ పాపు గారి ఆత్మకు నిత్య విశ్రాంతి కలగాలని ప్రత్యేక దివ్యబలిపూజ

పరిశుద్ధ ఫ్రాన్సిస్ పాపు గారి ఆత్మకు నిత్య విశ్రాంతి కలగాలని ప్రత్యేక దివ్యబలిపూజ 

హైదరాబాద్ అతిమేత్రాసనం సెయింట్ మేరీస్ బసిలికాలో పరిశుద్ధ ఫ్రాన్సిస్ పాపు గారి ఆత్మకు నిత్య విశ్రాంతి కలగాలని  ప్రత్యేక దివ్యబలిపూజను నిర్వహించారు. మంగళవారం(22.04.2025) సాయంత్రం 6 గంటలకు ఈ ప్రత్యేక దివ్యబలిపూజ జరిగింది. ఈ  దివ్యపూజాబలి ఏర్పాట్లను విచారణ గురువు ఫాదర్ ఆరోగ్యం గారు పర్యవేక్షించారు.

హైదరాబాద్ ఆగ్రపీఠాధిపతులు, కార్డినల్ మహా పూజ్య పూల అంతోని గారు ఈ ప్రత్యేక దివ్యబలిపూజను ఇతర గురువులతో కలసి సమర్పించారు. కార్డినల్ మహా పూజ్య పూల అంతోని గారు పరిశుద్ధ ఫ్రాన్సిస్ పాపు గారి మరణం తీరని లోటు అని అన్నారు. 

ఈ ప్రత్యేక దివ్యబలిపూజలో అధిక సంఖ్యలో గురువులు , సిస్టర్స్ మరియు విశ్వాసులు పాల్గొన్నారు. విచారణ గాయక బృందం మధురమైన గీతాలను ఆలపించారు. 
 
 Article and Design: M. Kranthi Swaroop 
RVA Telugu Online Content Producer