వేళాంగణి మాత దేవాలయంలో భక్తిశ్రద్ధలతో గుడ్ ఫ్రైడే
విశాఖ అతిమేత్రాసనం వేళాంగణి మాత దేవాలయం, కైలాసపురంలో గుడ్ ఫ్రైడే (పరిశుద్ద శుక్రవారం) సాంగ్యాలు భక్తియుతంగా జరిగాయి. విచారణ కర్తలు ఫాదర్ సంతోష్ CMF గారి ఆధ్వర్యంలో ఈ కార్యక్రమం జరిగింది.
విచారణ యువత ప్రదర్శించిన యేసు శ్రమల పాట్లు మరియు సిలువ మరణం అందరిని ఆకట్టుకుంది . యువత తో పాటు ఫాదర్ సంతోష్ CMF గారు సిలువను మోస్తూ కైలాసపుర విధులలో ప్రదక్షణ చేసారు. ఫాదర్ సంతోష్ CMF గారిని అనుసరిస్తూ విచారణ ప్రజలు , గురువులు, సిస్టర్స్ , యువతీ యువకులు ప్రభు యేసుని సిలువ పాట్లను గుర్తు చేసుకున్నారు.
అనంతరం దేవాలయంలో సిలువమార్గం మరియు ప్రత్యేక ప్రార్థనలు జరిగాయి. యేసు సిలువపై వేలాడదీసిన గంటలను గుర్తుచేసుకుంటూ మధ్యాహ్నం 3:00 గంటల సమయంలో ప్రత్యేక ప్రార్థనలు నిర్వహించారు. దీనిలో భాగంగా ప్రభు యేసు సిలువపై వేలాడే దృశం మరియు సిలువ ముద్దు కార్యక్రమాన్ని ఫాదర్ సంతోష్ CMF మరియు ఫాదర్ జాన్ CMF గార్లు నిర్వహించారు .
విశ్వాసులు అధిక సంఖ్యలో ఈ దివ్యబలి పూజ లో పాల్గొన్నారు. విచారణ గాయక బృందం మధురమైన గీతాలను ఆలపించారు.
Article and Design By M. Kranthi Swaroop
RVA Telugu Online Content Producer
