RVA లఘు చిత్ర పోటీలో మొదటి బహుమతి విజేతను సత్కరించిన బ్యాంకాక్ ఆర్చ్ డియోసెస్
రేడియో వెరితాస్ ఆసియా (RVA) నిర్వహించిన లౌడాటో సి' షార్ట్ ఫిల్మ్ పోటీలో మొదటి బహుమతిని గెలుచుకున్న థాయిలాండ్ కాథలిక్ అసోసియేషన్ను బ్యాంకాక్ ఆర్చ్ డియోసెస్ సత్కరించింది. బ్యాంకాక్ అగ్రపీఠం (ఆర్చ్ డియోసెస్ ) మార్చి 3న తూర్పు బ్యాంకాక్లోని ది పుడ్ ఇంగ్లీష్ గార్డెన్లో ఈ వేడుకను నిర్వహించింది.
ఈ కార్యక్రమంలో బ్యాంకాక్ అగ్రపీఠాధిపతులు మరియు థాయిలాండ్ కాథలిక్ బిషప్స్ కాన్ఫరెన్స్ అధ్యక్షులు మహాపూజ్య ఫ్రాన్సిస్ జేవియర్ విరా అర్పోండ్రటన గారు , FABC ఆఫీస్ ఆఫ్ సోషల్ కమ్యూనికేషన్ మరియు రేడియో వెరిటాస్ ఆసియా ప్రోగ్రామ్ డైరెక్టర్ యొక్క ఎగ్జిక్యూటివ్ సెక్రటరీ ఫాదర్ జాన్ మి షెన్ గారు మరియు ఇతర దేవాలయ మరియు పౌర నాయకులు పాల్గొన్నారు.
సృజనాత్మక మీడియా ద్వారా పర్యావరణ అవగాహనను ప్రోత్సహించడంలో ప్రతిభ కనపరిచిన థాయిలాండ్ కాథలిక్ అసోసియేషన్ను అందరు అభినందించారు. కాథలిక్ అసోసియేషన్ ఆఫ్ థాయిలాండ్ వారి నిర్మించిన లఘు చిత్రం పేరు "లవ్ ఇన్ యాక్షన్".
"లవ్ ఇన్ యాక్షన్" అనే చిత్రాన్ని థాయిలాండ్ కాథలిక్ అసోసియేషన్ తరపున పిక్ కుటుంబం దర్శకత్వం వహించి నిర్మించింది. ఇందులో అరుణకార్న్ పిక్ కొడుకుగా, నెహోవా పిక్ తండ్రిగా, పచ్చరవదీ పిక్ తల్లిగా నటించారు. ఈ లఘు చిత్రం పెరుగుతున్న ఉష్ణోగ్రతల గురించి ఒక సాధారణ కుటుంబ సంభాషణపై కేంద్రీకృతమై ఉంది. వేడి వాతావరణం గురించి పిల్లల ప్రశ్నగా ప్రారంభమయ్యేది క్రమంగా పర్యావరణ బాధ్యత మరియు సృష్టిని జాగ్రత్తగా చూసుకోవడంలో కుటుంబాల పాత్రపై సందేశాతంకంగా దీనిని నిర్మించారు.
పరిశుద్ధ పోప్ ఫ్రాన్సిస్ గారి "లౌడాటో సి" యొక్క 10వ వార్షికోత్సవాన్ని పురస్కరించుకుని RVA నిర్వహించిన అంతర్జాతీయ పోటీలో మొదటి స్థానంలో "లవ్ ఇన్ యాక్షన్" నిలిచింది. విజేతలైన కాథలిక్ అసోసియేషన్ ఆఫ్ థాయిలాండ్ వారికి US$1,000 నగదు బహుమతితో పాటు, సర్టిఫికేట్ మరియు ట్రోఫీని అందజేశారు.
RVA నిర్వహించిన ఈ పోటీలకు ఆసియా మరియు వివిధ దేశాల నుండి 80 కి పైగా ఎంట్రీలు వచ్చాయి. పర్యావరణ బాధ్యతను గుర్తు చేస్తూ అందరు వీడియోలను నిర్మించారు.జనవరి 25న జరిగిన ఆన్లైన్ వేడుకలో విజేతలను మొదట ప్రకటించారు.
By m kranthi Swaroop
