నాలుగు రోజులు, ఎన్నో ఆశీర్వాదాలు! పోప్ లియో XIV ఫ్రాన్స్ యాత్రకు సిద్ధం
పరిశుద్ధ లియో XIV పాపు గారు నాలుగు రోజుల పాటు ఫ్రాన్స్లో అపోస్తలిక పర్యటన చేయనున్నారు. ఈ పర్యటనకు వాటికన్ అధికారికంగా తేదీలను ప్రకటించింది. సెప్టెంబర్ 25 నుంచి 28,2026 వరకు ఈ యాత్ర జరగనున్నది. అపోస్టోలిక్ యాత్ర కోసం రూపొందించిన లోగోలో శ్రీసభ లోని సహవాసం, ఐక్యత, విశ్వాసం యొక్క సౌందర్యాన్ని ప్రతిబింబించే అనేక ప్రతీకలను పొందుపరిచారు.
ఇది పరిశుద్ధ లియో XIV పాపు గారి ఐదవ అపోస్తలిక పర్యటన. ఫ్రాన్స్లో తన పర్యటన సందర్భంగా ఆయన పారిస్, సెయింట్-డెనిస్, లూర్ద్ మరియు మెట్జ్ నగరాలను సందర్శించనున్నారు. ఈ నాలుగు రోజుల అపోస్టోలిక్ యాత్రలో ప్రార్థనా కార్యక్రమాలతో పాటు యువత, విశ్వాసులు, స్థానిక సమాజాలతో ప్రత్యేక సమావేశాలు నిర్వహించనున్నారు.
సెప్టెంబర్ 25, శుక్రవారం ఉదయం పరిశుద్ధ లియో XIV పాపు గారు తన ఫ్రాన్స్ అపోస్టోలిక్ యాత్రను ప్రారంభించనున్నారు. స్థానిక కాలమానం ప్రకారం ఉదయం 7:50 గంటలకు రోమ్లోని ఫియుమిసినో అంతర్జాతీయ విమానాశ్రయం నుంచి ప్రత్యేక విమానంలో బయలుదేరి, ఉదయం 10 గంటలకు పారిస్ ఓర్లీ అంతర్జాతీయ విమానాశ్రయానికి చేరుకుంటారు.
విమానాశ్రయంలో అధికారిక స్వాగత కార్యక్రమం అనంతరం పరిశుద్ధ లియో XIV పాపు గారు ఎలిసీ ప్యాలెస్కు వెళ్లనున్నారు. అక్కడ ఫ్రాన్స్ గణతంత్ర అధ్యక్షుడు ఇమ్మాన్యుయేల్ మాక్రాన్తో ప్రత్యేకంగా సమావేశమవుతారు.
Article and Design By M Kranthi Swaroop
