ఆగని ప్రేమ.. 🙏 చెక్కుచెదరని విశ్వాసం!
ఫిలిప్పీన్స్లోని బులాకాన్ ప్రావిన్స్, హగోనోయ్ పట్టణంలోని సెయింట్ జాన్ ది బాప్టిస్ట్ దేవాలయంలో సెప్టెంబర్ 1, 2026న ఒక ప్రత్యేకమైన వివాహం జరిగింది. భారీ వరద నీరు చర్చిలోకి చేరి దాదాపు నడుము ఎత్తు వరకు ఉన్నప్పటికీ, జంట తమ వివాహాన్ని వాయిదా వేయకుండా కొనసాగించారు.
పెళ్లి చేసుకున్న దంపతులు పేర్లు వధువు లియాన్ లీజా గలాంగ్ (Leian Lieza Galang), వరుడు గిల్బర్ట్ చికో (Gilbert Chico). వధువు తెల్లటి ఆఫ్-షోల్డర్ వెడ్డింగ్ గౌన్, చేతిలో తెల్లటి పూల బొకేతో వరద నీటిలోనే చర్చిలోకి నడిచి వెళ్లింది.
పెరుగుతున్న వరదల కారణంగా వివాహాన్ని వాయిదా వేసుకోవాలని పారిష్ అధికారులు ఈ జంటకు సూచించారు.కానీ పెళ్లిని కొనసాగించాలనేది వధూవరుల స్వంత నిర్ణయం. చర్చి సిబ్బంది కూడా వారి నిర్ణయాన్ని గౌరవించి, సాధ్యమైనంత వరకు వివాహాన్ని ప్రత్యేకంగా నిర్వహించేందుకు సహకరించారు.వరదలతో పాటు విద్యుత్ అంతరాయం ఏర్పడటంతో చర్చిలోని సాధారణ సౌండ్ సిస్టమ్ పనిచేయలేదు.అయినా వివాహాన్ని ఆపలేదు. పోర్టబుల్ స్పీకర్ను ఉపయోగించి వేడుకను కొనసాగించారు.
వివాహానికి సంబంధించిన ఫోటోల్లో ఒక చిన్న బాలుడు పెళ్లి ఉంగరాలను పట్టుకుని వరద నీటిలో నడుస్తూ ఆల్టర్ వైపు వెళ్లడం కనిపించింది. వివాహ ఫోటోగ్రాఫర్ అల్ఫోన్సో " వారి ప్రేమను ఏదీ ఆపలేకపోయింది" అని అన్నారు.
Article and Design By M Kranthi Swaroop
