ధన్య ఫుల్టన్ షీన్ | Blessed Fulton J. Sheen
సెప్టెంబర్ 24,2026 న అమెరికాలోని సెయింట్ లూయిస్లో అగ్రపీఠాధిపతులు మహా పూజ్య ఫుల్టన్ జె. షీన్ను (Fulton J. Sheen)ధన్యుడిగా (Blessed) ప్రకటించారు. ఈ బీటిఫికేషన్ కార్యక్రమానికి పరిశుద్ధ లియో XIV పాపు గారి తరఫున కార్డినల్ మహాపూజ్య లూయిస్ ఆంటోనియో టాగ్లే గారు అధ్యక్షత వహించారు. ఈ చారిత్రాత్మక వేడుకకు అధికసంఖ్యలో పీఠాధిపతులు, గురువులు, గురు విద్యార్థులు, సన్యాసులు పదివేలాది మంది విశ్వాసులు హాజరయ్యారు.
ఉదయం 10 గంటలకు ఈ కార్యక్రమం ప్రారంభమైంది. మధ్యాహ్నం 1:30 గంటలకు బీటిఫికేషన్ దివ్యబలిపూజ కొరకు ఊరేగింపు ప్రారంభమైంది.దివ్య బలిపూజ ప్రారంభంలోనే అధికారిక బీటిఫికేషన్ కార్యక్రమం ఘనంగా జరిగింది.
కార్డినల్ మహా పూజ్య టాగ్లే గారు పరిశుద్ధ లియో XIV పాపు గారు జారీ చేసిన అపోస్టోలిక్ లేఖను లాటిన్లో చదివారు. అనంతరం పీఠాధిపతులు టిల్కా బీటిఫికేషన్ డిక్రీని ఆంగ్లంలో ప్రకటించారు.ఈ సందర్భముగా ధన్యు ఫుల్టన్ షీన్ గారి కొత్త చిత్రపటాన్ని ఆవిష్కరించారు.
అగ్రపీఠాధిపతులు ఫుల్టన్ జె. షీన్ ఒక తత్వవేత్త, వేదాంతి మరియు రచయిత. సువార్తను ప్రకటించడానికి రేడియో మరియు టెలివిజన్ను ఉపయోగించిన ఒక ఆధునిక సువార్తికుడు.
1930లో ఆయన 'ది క్యాథలిక్ అవర్' అనే రేడియో కార్యక్రమాన్ని ప్రారంభించారు . ఇది యునైటెడ్ స్టేట్స్ అంతటా గృహాలకు క్యాథలిక్ బోధనను తీసుకువచ్చింది.1951లో, ఫుల్టన్ జె. షీన్ గారు తన 'లైఫ్ ఈజ్ వర్త్ లివింగ్' అనే టెలివిజన్ కార్యక్రమం ద్వారా అమెరికా సంయుక్త రాష్ట్రాల వ్యాప్తంగా ప్రజలకు సువార్తను అందించారు .అగ్రపీఠాధిపతులు షీన్ డిసెంబర్ 9,1979న న్యూయార్క్ నగరంలో మరణించారు.
2019లో, ఆయన మధ్యవర్తిత్వంతో జరిగినట్లు భావించిన ఒక అద్భుతాన్ని వాటికన్ ఆమోదించింది. ఆయన బీటిఫికేషన్ కోసం జరిగిన అద్భుతం 2010లో జరిగింది; గుండెచప్పుడు లేదా శ్వాస లేకుండా జన్మించిన ఒక శిశువు 61 నిమిషాల తర్వాత సంపూర్ణ ఆరోగ్యంతో తిరిగి బ్రతికింది. ఈ అద్భుతాన్ని 2019లో దివంగత పోప్ ఫ్రాన్సిస్ గారు ఆమోదించారు.
“కాలం మారింది… మాధ్యమాలు మారాయి… కానీ క్రీస్తును ప్రకటించాలనే ఫుల్టన్ షీన్ గారి ఉత్సాహం మారలేదు. రేడియో, టెలివిజన్లను సువార్త వేదికలుగా మార్చిన ఆయన, నేడు డిజిటల్ మీడియా ద్వారా క్రీస్తును ప్రకటించేవారికి ఒక స్ఫూర్తిగా నిలుస్తున్నారు.
Article and Design by M Kranthi Swaroop
