సెయింట్ థియోఫిలస్ ఆఫ్ ఆంటియోక్
అక్టోబర్ 13వ తేదీన శ్రీసభ సెయింట్ థియోఫిలస్ ఆఫ్ ఆంటియోక్ (Saint Theophilus of Antioch) గారిని స్మరించుకుంటుంది. ఈయన రెండవ శతాబ్దానికి చెందిన తొలి క్రైస్తవ బిషప్ మరియు క్రైస్తవ విశ్వాసాన్ని సమర్థించిన గొప్ప వేదాంతవేత్త.థియోఫిలస్ అనే గ్రీకు పేరు అర్థం “దేవుని స్నేహితుడు” లేదా “దేవునిచే ప్రేమించబడినవాడు.”
సెయింట్ థియోఫిలస్ రెండవ శతాబ్దంలో జీవించారు. ఆయన సిరియాలోని ఆంటియోక్ నగరానికి చెందిన బిషప్‌గా సేవలందించారు. బైబిల్ గ్రంథాలను అధ్యయనం చేయడం ద్వారా క్రైస్తవ విశ్వాసాన్ని స్వీకరించినట్లు చారిత్రక సంప్రదాయాలు చెబుతున్నాయి.
ఆయన క్రైస్తవ విశ్వాసాన్ని ఇతరులకు వివరించి, అప్పటి విమర్శలకు సమాధానాలు ఇచ్చారు. ఆయన రాసిన ప్రసిద్ధ గ్రంథం To Autolycus (ఆటోలికస్‌కు రాసిన సమాధానం). ఈ రచనలో క్రైస్తవ విశ్వాసం, దేవుని గురించి అవగాహన, పవిత్ర గ్రంథాల ప్రాముఖ్యతను వివరించారు.
సెయింట్ థియోఫిలస్ గారి విశ్వాసం, జ్ఞానం, భక్తి మనందరికీ ఆదర్శంగా నిలవాలని , అలానే దేవుని వాక్యాన్ని ప్రేమించే హృదయాన్ని, సత్యాన్ని అనుసరించే ధైర్యాన్ని, ఇతరులతో ప్రేమగా మెలిగే మనస్సును మనందరికీ ప్రసాదించమని ప్రార్థిస్తున్నాము.
Article and Design BY M Kranthi Swaroop
