కంప్యూటర్ యుగంలో దేవుని ప్రేమను చాటిన యువ పునీతుడు !
సెయింట్ కార్లో అకుటిస్ (Saint Carlo Acutis)
పునీత కార్లో అకుటిస్ ఆధునిక యువతకు విశ్వాసం, ప్రార్థన, సేవాభావం, సాంకేతిక పరిజ్ఞానాన్ని సువార్త ప్రచారానికి ఉపయోగించడం వంటి విషయాల్లో ఆదర్శంగా నిలిచిన పునీతుడు. ఆయనను 2025 సెప్టెంబర్ 7న పరిశుద్ధ లియో పాపు గారు అధికారికంగా పునీతుడుగా ప్రకటించారు. 2020 అక్టోబర్ 10న పోప్ ఫ్రాన్సిస్ కార్లో అకుటిస్‌ను ధన్యుడు (Blessed)గా ప్రకటించారు.
కార్లో చిన్నప్పటి నుంచే మన ప్రభువైన యేసుక్రీస్తు వారిపై ప్రత్యేకమైన భక్తిని కలిగి ఉండేవారు. ప్రతిరోజూ ప్రార్థన చేయడం, జపమాల ప్రార్థనలో పాల్గొనడం, పవిత్ర దివ్యసత్ప్రసాదం (Holy Eucharist) పట్ల భక్తిని పెంపొందించుకోవడం ఆయన జీవితంలో ముఖ్యమైన భాగాలు.ఆయన చదువుతో పాటు క్రీడలు, స్నేహితులతో సమయం గడపడం, పేదలకు సహాయం చేయడం వంటి పనుల్లోనూ చురుకుగా పాల్గొనేవారు. తన వద్ద ఉన్నదానిలో కొంత భాగాన్ని పేదలకు అందించేవారు.
కార్లోకు కంప్యూటర్లు, ఇంటర్నెట్‌పై మంచి ఆసక్తి ఉండేది. ఈ సాంకేతిక పరిజ్ఞానాన్ని వినోదం కోసం మాత్రమే కాకుండా, దేవుని సందేశాన్ని ఇతరులకు తెలియజేయడానికి ఉపయోగించారు.
ప్రపంచవ్యాప్తంగా జరిగిన దివ్యసత్ప్రసాద అద్భుతాల సమాచారాన్ని సేకరించి, వాటిని ప్రజలకు పరిచయం చేసే వెబ్‌సైట్‌ను రూపొందించడంలో ఆయన ముఖ్యపాత్ర పోషించారు.అందుకే ఆయనను “దేవుని డిజిటల్ మిషనరీ” (God's Digital Missionary) అని కూడా పిలుస్తారు. సాంకేతికతను మంచి పనులకు ఉపయోగించవచ్చని ఆయన జీవితం నేటి యువతకు తెలియజేస్తుంది.
2006 సెప్టెంబర్‌లో కార్లో తీవ్రమైన లుకేమియా వ్యాధికి గురయ్యారు. చికిత్స పొందినప్పటికీ, 2006 అక్టోబర్ 12న కేవలం 15 సంవత్సరాల వయస్సులో మరణించారు.అనారోగ్య సమయంలో కూడా దేవునిపై విశ్వాసాన్ని నిలుపుకున్నారు.అనంతరం ఆయన భౌతిక అవశేషాలను ఇటలీలోని అస్సీసీ నగరానికి తరలించారు.అనంతరం, 2019 ఏప్రిల్ 6న అస్సీసీలోని శాంటా మారియా మజ్జోరే చర్చిలో ఉన్న శ్రైన్ ఆఫ్ ది స్పోలియేషన్ (Sanctuary of the Renunciation) కు తరలించారు. ప్రస్తుతం ఆయన భౌతిక అవశేషాలు అక్కడే ఉన్నాయి.
Article and Design By M Kranthi Swaroop
