భవిష్యత్తుకు దిశానిర్దేశం - TCBC యువజన నాయకులు
ఆంధ్రప్రదేశ్, గుంటూరు లోని వసంతరాయపురంలో కోల్పింగ్ యూత్ సెంటర్లో తెలుగు కాథలిక్ బిషప్స్ కౌన్సిల్ (TCBC) యువతా విభాగం ఆధ్వర్యంలో యవత సమావేశం జరిగింది. టిసిబిసి యూత్ కమిషన్ చైర్మన్ మహా పూజ్య డాక్టర్ రాయరాల విజయ్ కుమార్ (PIME) గారి అద్వర్యం లో ఈ కార్యక్రమం జరిగింది.
ఆంధ్రప్రదేశ్ మరియు తెలంగాణ నుండి మేత్రాసన యవత డైరెక్టర్లు, ఫాదర్ లు, యూత్ కోఆర్డినేటర్లు మరియు ఇతర ప్రతినిధులతో సహా దాదాపు 100 మంది ఈ కార్యక్రమంలో పాల్గొన్నారు. కోల్పింగ్ కమ్యూనిటీ హాల్లో జరిగిన ఈ సమావేశానికి ఎగ్జిక్యూటివ్ డైరెక్టర్ ఫాదర్ కరుణాకర్ తుమ్మ మరియు వారి బృందం ఆతిథ్యం వహించారు. ప్రాంతీయ యువజన కార్యదర్శి ఫాదర్ స్లీవరాజు గారి నేతృత్వంలో ఈ కార్యక్రమం జరిగింది.
2026–2027 సంవత్సరానికి సంబంధించిన అధికారిక యువజన కార్యాచరణ ప్రణాళిక (Youth Action Plan) రూపొందించే లక్ష్యంతో ఈ సమావేశం ఏర్పాటు చేయబడింది. ఈ కార్యక్రమంలో TCBC జాతీయ యువత కోఆర్డినేటర్ శ్రీ మెరుగు ప్రశాంత్ కుమార్ గారు పాల్గొని తన అమూల్యమైన సలహాలను అందించారు.
యువత ఎదుర్కొంటున్న సమకాలీన సవాళ్లను దృష్టిలో ఉంచుకొని, విశ్వాస నిర్మాణం, నాయకత్వ వికాసం, సామాజిక బాధ్యత, సువార్త ప్రచారం, డిజిటల్ మిషన్, పర్యావరణ పరిరక్షణ, యువజన శిక్షణ కార్యక్రమాలు వంటి అంశాలపై విస్తృతంగా చర్చించారు.
Article and Design By M Kranthi Swaroop
RVA Telugu Online Content Producer
