పశ్చిమ బెంగాల్‌లో కతోలిక ప్రార్థనా మందిరంపై దాడి.. ఆరుగురికి గాయాలు!
పశ్చిమ బెంగాల్‌లోని నదియా జిల్లా కృష్ణనగర్ సమీపంలోని జలాల్‌ఖాలిలో ఉన్న సెయింట్ లూయిస్ కతోలిక దేవయాలనికి అనుబంధంగా ఉన్న డివైన్ లవ్ రిట్రీట్ సెంటర్‌లో ప్రార్థనా సమావేశం జరుగుతుండగా దాడి జరిగింది . అక్టోబర్ 9వ తేదీ శుక్రవారం జరిగిన ఈ ఘటనలో ఆరుగురు గాయపడినట్లు తెలుస్తుంది .
విన్సెంటియన్ ఫాదర్స్ నిర్వహించిన క్రైస్తవుల కోసం అక్టోబర్ 8 నుంచి 11వ తేదీ వరకు నాలుగు రోజుల ప్రార్థనా సమావేశం నిర్వహించారు. ఈ కార్యక్రమానికి ముందస్తు అనుమతులు తీసుకున్నట్లు విచారణకర్తలు తెలిపారు.ఫాదర్ సామ్ థామస్ వీసీ గారి దర్శకత్వంలో ఈ కార్యాక్రమం జరిగింది.
మతమార్పిడులు జరుగుతున్నాయంటూ కొందరు వ్యక్తులు దేవాయలం వెలుపల గుమిగూడి ఆరోపణలు చేసినట్లు సమాచారం. వారు దేవాలయ ప్రాంగణంలోకి ప్రవేశించి, కార్యక్రమం గురించి ఆరా తీసి, ఫోటోలు, వీడియోలు తీయడంతో ఈ సంఘటన ప్రారంభమైంది.అనంతరం పరిస్థితి ఉద్రిక్తంగా మారి, కొందరు దేవాలయ ప్రాంగణంలోకి ప్రవేశించి రాళ్లు రువ్వడంతో పాటు భక్తులపై దాడి చేసారు.
ఈ ఘటనలో దేవాలయ తాత్కాలిక ప్రవేశ ద్వారం ద్వాంసమైంది, యేసుక్రీస్తు స్వరూపం ఉన్న అద్దపు రక్షణ కవచం దెబ్బతిన్నది. దాడి కారణంగా ప్రార్థనా కార్యక్రమానికి అంతరాయం ఏర్పడింది.
ఈ ఘటనపై బాధితులు తీవ్ర ఆవేదన వ్యక్తం చేశారు. “ప్రజలు తమ సొంత ప్రార్థనా మందిరంలో కూడా రక్షణ లేకుండా పోయిందని” బాధపడ్డారు. ప్రార్థన చేసుకునే పవిత్ర స్థలంలోనే ఇలాంటి ఘటనలు చోటుచేసుకోవడం తమను తీవ్ర మనోవేదనకు గురిచేసిందని బాధితులు ఆవేదన వ్యక్తం చేశారు.
Article and Design BY M Kranthi Swaroop
