పశ్చిమ బెంగాల్‌లో క్రైస్తవులపై దాడులు ఆపాలని భారీ నిరసన
క్రైస్తవులపై జరుగుతున్న హింసను అంతం చేయాలని కోరుతూ, భారతదేశంలోని వివిధ ప్రాంతాల నుండి వేలాది మంది క్రైస్తవులు నవంబర్ 5న బెంగాల్ రాష్ట్ర రాజధాని అయిన కోల్‌కతాకు తరలివచ్చారు. క్రైస్తవులపై జరుగుతున్న దాడులు, బెదిరింపులు ఆపాలని కోరుతూ 12,000 మందికి పైగా క్రైస్తవులు ఈ భారీ ప్రార్థన, నిరసన ర్యాలీలో పాల్గొన్నారు.
కలకత్తా అగ్ర పీఠాధిపతులు మహా పూజ్య ఎలియాస్ ఫ్రాంక్ గారు మరియు బారుయిపూర్ పీఠాధిపతులు మహా పూజ్య శ్యామల్ బోస్ వంటి ప్రముఖులు ఇందులో పాల్గొన్నారు. వివిధ చర్చి సంప్రదాయాలకు చెందిన బిషప్‌లు, పూజారులు, సన్యాసినులు, పాస్టర్లు మరియు సామాన్య ప్రజలు ఈ ప్రార్థన ర్యాలీలో పాల్గొన్నారు.
ఈ కార్యక్రమాన్ని Bangiya Christiya Pariseba (Bengal Christian Council) అనే క్రైస్తవ అంతర్మత సంఘం నిర్వహించింది.ఈ ఏడాది మే నెలలోక్రైస్తవులపై మొత్తం 48 దాడుల ఘటనలు నమోదయ్యాయని బీసీపీ సంకలనం చేసిన డేటా ప్రకారం తెలుస్తోంది.వీటిలో కేవలం 16 ఘటనలకు సంబంధించి మాత్రమే పోలీసులు FIRలు నమోదు చేశారని సంస్థ ప్రతినిధి తెలిపారు.ప్రార్థనా సమావేశాలకు అంతరాయం కలిగించడం, బెదిరింపులకు పాల్పడటం వంటి ఘటనలు చోటుచేసుకున్నాయని క్రైస్తవ నాయకులు ఆరోపించారు.
అఖిల భారత మండలి అధ్యక్షులు, చర్చ్ ఆఫ్ ఇండియా జాతీయ కన్వీనర్ అయిన ఆర్చ్‌బిషప్ జోసెఫ్ డిసౌజాలు కీలక ప్రసంగాలు చేశారు.క్రైస్తవులు శాంతిని కోరుకునే ప్రజలని, ఇతర మతాల వారితో స్నేహపూర్వక సంబంధాలు కొనసాగించాలని కోరుకుంటున్నారని పేర్కొన్నారు.
Article and Design By M Kranthi Swaroop
