ఉరుగ్వే రాజధాని మాంటెవీడియోలోని ఇండిపెండెన్స్ స్క్వేర్‌లో పోప్ లియో కు ఘన స్వాగతం పలికారు. ఈ కార్యక్రమంలో అధ్యక్షుడు Yamandú Orsi తో పాటు ముగ్గురు మాజీ అధ్యక్షులు, ప్రభుత్వ అధికారులు, దౌత్యవేత్తలు, పౌర సమాజ ప్రతినిధులు పాల్గొన్నారు.
తన తొలి ప్రసంగంలో పోప్ దేశ భవిష్యత్తు, జనాభా సమస్యలు, గర్భస్రావం, పేదలు మరియు బలహీనుల రక్షణ, ప్రతి వ్యక్తి గౌరవం గురించి ప్రస్తావించారు.
ఉరుగ్వేలో ఎదుర్కొంటున్న సమస్యను ప్రస్తావిస్తూ, తగిన వైద్యసేవలు, కుటుంబ బంధాలు, సమాజ సహకారం ఎంతో అవసరమని తెలిపారు.
కతోలిక శ్రీసభ అందించే సేవలను వివరిస్తూ, కష్టకాలంలోనూ ప్రజలకు ఆశను, ధైర్యాన్ని అందించడం వారి బాధ్యత అని పేర్కొన్నారు.
వివిధ మతాలు, సంప్రదాయాలకు చెందిన ప్రజలు స్వేచ్ఛతో, పరస్పర గౌరవంతో కలిసి జీవించేలా ఈ సమాజం అవకాశం కల్పించాలని పిలుపునిస్తూ, ఉరుగ్వే ప్రజలను దేవుడు ఆశీర్వదించాలని, మరియతల్లి కాపాడాలని పోప్ ప్రార్థించారు.
