బాలయేసు దేవాలయంలో భక్తిశ్రద్ధలతో ప్రార్థనా కూటమి
గన్నవరం విచారణ, బాలయేసు దేవాలయము లో "ప్రార్ధన కూటమి" భక్తిశ్రద్ధలతో, ఆధ్యాత్మిక వాతావరణంలో ఘనంగా జరిగింది. విచారణ కర్తలు ఫాదర్ పసల థామస్ గారి ఆధ్వర్యంలో ఈ కార్యక్రమం జరిగింది.
ఈ ప్రార్థనా కూటమిలో అధిక సంఖ్యలో విశ్వాసులు, విచారణ ప్రజలు భక్తిశ్రద్ధలతో పాల్గొని ప్రార్థనలు చేశారు. కార్యక్రమం ప్రారంభం నుండి ముగింపు వరకు దేవుని సన్నిధిని కోరుకుంటూ భక్తులు ఏకమనస్సుతో ప్రార్థనలు, స్తుతిగీతాలు, ఆరాధనలో పాల్గొన్నారు.
ఈ సందర్భంగా బ్రదర్ వాడపల్లి సత్యం గారు దేవుని వాక్య పరిచర్య చేశారు. ఆయన పవిత్ర గ్రంథంలోని వాక్యాలను ఆధారంగా చేసుకొని విశ్వాసులకు ఆధ్యాత్మిక సందేశాన్ని అందించారు. దేవునిపై విశ్వాసం, ప్రార్థనలో స్థిరత్వం, కుటుంబ జీవితంలో ప్రేమ, ఐక్యత, పరస్పర సహకారం వంటి అంశాలపై సందేశం ద్వారా విశ్వాసులను ప్రోత్సహించారు.
ప్రార్థనా కూటమిలో పాల్గొన్న విశ్వాసులు భక్తి గీతాలు ఆలపిస్తూ దేవుని స్తుతించారు.
విచారణ కర్త ఫాదర్ పసల థామస్ గారు మాట్లాడుతూ, ఇటువంటి ప్రార్థనా కూటములు విశ్వాసులను ఆధ్యాత్మికంగా బలపరచడంతో పాటు, సంఘంలో ఐక్యతను పెంపొందించేందుకు దోహదపడతాయని తెలిపారు.ప్రతి కుటుంబం ప్రార్థనా జీవితానికి ప్రాధాన్యత ఇవ్వాలని, యువత మరియు పిల్లలను కూడా ఆధ్యాత్మిక కార్యక్రమాల్లో భాగస్వాములను చేయాలని సూచించారు.
చివరగా ఫాదర్ పసల థామస్ గారు విచారణ ప్రజలందరి కోసం ప్రత్యేక ప్రార్థనలు నిర్వహించి, అందరికీ దేవుని ఆశీర్వాదాలు కలగాలని ప్రార్థించారు. భక్తియుతమైన వాతావరణంలో జరిగిన ఈ ప్రార్థనా కూటమి విశ్వాసులలో నూతన ఆధ్యాత్మిక ఉత్సాహాన్ని నింపింది.
Article and Design By M kranthi Swaroop
