1985లో స్థాపించబడిన ఉరుగ్వే కతోలిక విశ్వవిద్యాలయాన్ని సందర్శించిన పోప్ లియో అక్కడి విద్యార్థులను ఉద్దేశించి ప్రసంగించారు.
ఇది జేసుసభ గురువుల పర్యవేక్షణలో ఉంది. 1988లో పునీత రెండవ జాన్ పాల్ ఈ విశ్వవిద్యాలయాన్ని సందర్శించారు.
తన సందేశంలో మానవునిలోని ఐదు ఇంద్రియాల ప్రాముఖ్యతను వివరిస్తూ, చూపు, స్పర్శ, రుచి, వాసన, వినికిడి ద్వారా శాంతి, మంచితనం, క్రీస్తు పరిమళం, వివేచన వంటి విలువలను అలవరచుకోవాలని సూచించారు.
పాఠశాలలు, విశ్వవిద్యాలయాల్లో సాంకేతిక పరిజ్ఞానం, కృత్రిమ మేధస్సు (AI) వినియోగం వివేకంతో ఉండాలని, అల్గారిథమ్ కంటే మనిషికే ప్రాధాన్యత ఇవ్వాలని పిలుపునిచ్చారు.
ప్రభువు స్వరాన్ని ఆలకించడం జ్ఞానం, వివేకం, న్యాయానికి ప్రతీక అని పేర్కొంటూ, మంచి సంప్రదాయాలను కాపాడుకుంటూనే కాలానుగుణ మార్పులకు అనుగుణంగా విద్యా వ్యవస్థ ముందుకు సాగాలని తెలిపారు.
ఈ కార్యక్రమంలో సుమారు వెయ్యి మంది విశ్వవిద్యాలయ ప్రాంగణంలోని టెర్రస్‌పై నుంచి పోప్ ఆశీర్వాదం పొందగా, అనంతరం ఆయన పర్యటనను గుర్తుచేసే స్మారక ఫలకాన్ని ఆవిష్కరించారు
