అర్జెంటీనాలోని బ్యూనస్ ఎయిర్స్‌లో క్రైస్తవ నాయకులు, వివిధ మత సంప్రదాయాల ప్రతినిధులతో సమావేశమైన పోప్ లియో, మతాలు.... విభజనకు కాకుండా ఐక్యతకు, పరస్పర స్నేహానికి వారధులుగా నిలవాలని పిలుపునిచ్చారు.
దివంగత పోప్ ఫ్రాన్సిస్ ప్రోత్సహించిన మతసామరస్యం, సంభాషణ సంప్రదాయాలను కొనసాగిస్తూ, సమాజంలో నూతన సహకార మార్గాలను నిర్మించాలని ఆకాంక్షించారు.
అర్జెంటీనా చరిత్రలో వివిధ సంస్కృతులు, మత సంప్రదాయాలకు చెందిన ప్రజలు భిన్నత్వంలో ఏకత్వంతో సమాజ శ్రేయస్సుకు కృషి చేశారని గుర్తుచేశారు.
నిజమైన ప్రార్థన అనేది కేవలం మాటలకే పరిమితం కాకుండా, సోదరభావం, న్యాయం, శాంతి వంటి కార్యరూప సేవల్లో ప్రతిబింబించాలని పోప్ పేర్కొన్నారు.
మానవ గౌరవాన్ని కాపాడటం, మత స్వేచ్ఛను గౌరవించడం, ప్రజల్లో నిరీక్షణను పెంపొందించడం మతల ప్రధాన బాధ్యతలని తెలిపారు.
గర్భధారణ నుంచి సహజ మరణం వరకు ప్రతి మానవ జీవితాన్ని గౌరవించాలని, కుటుంబం, విద్య, పని, పర్యావరణ పరిరక్షణ రంగాల్లో మానవ గౌరవాన్ని కాపాడాలని పిలుపునిచ్చారు.
అధికారం, కీర్తి, యుద్ధం వంటి వాటిని ఆరాధించే ధోరణులకు దూరంగా ఉండాలని హెచ్చరించారు.
పేదలు, జీవితంపై ఆశ కోల్పోయినవారు, న్యాయం ద్వారా ప్రపంచాన్ని మార్చాలని తపించే వారికి అండగా నిలుస్తూ, మతాల మధ్య సంభాషణ, పరస్పర అవగాహన, గౌరవం ద్వారా శాంతియుత సమాజ నిర్మాణానికి ప్రతి ఒక్కరూ కృషి చేయాలని పోప్ లియో పిలుపునిచ్చారు.
