వాటికన్ అత్యున్నత న్యాయ విభాగం Supreme Tribunal of the Apostolic Signatura కు శాన్ ఫ్రాన్సిస్కో అగ్రపీఠాధిపతి Salvatore Cordileone ను పోప్ లియో నియమించారు.
ఈ నియామకంతో ప్రముఖ అమెరికన్ బిషప్కు వాటికన్లో ఒక ముఖ్యమైన బాధ్యత లభించింది.
పీఠాధిపతిగా నియామకానికి ముందు Salvatore 1990ల చివర్లో, 2000ల ప్రారంభంలో దాదాపు ఐదేళ్లు ఇదే ట్రిబ్యునల్లో పనిచేశారు. అంతేకాకుండా ఆయన కెనన్ లా నిపుణుడు కావడం ఈ బాధ్యతకు ఎంతో అనుకూలంగా ఉంది.
అమెరికాలోని కొందరు Salvatoreను సాంప్రదాయ విశ్వాసాలను అనుసరించు వ్యక్తిగా భావిస్తారు. అందువల్ల ఆయన నియామకం ద్వారా పోప్ లియో ఏదైనా ప్రత్యేక సందేశం ఇస్తున్నారా అనే చర్చ కూడా మొదలైంది.
పోప్ లియో స్వయంగా కూడా, తన ముఖ కవళికలను చూసి జర్నలిస్టులు తన ఆలోచనలను అర్థం చేసుకున్నామని భావిస్తారని, అయితే వారు ఎప్పుడూ సరైన అర్థం చేసుకోరని హాస్యంగా వ్యాఖ్యానించారు.
వాటికన్లో 15 సంవత్సరాల అనుభవం ఉన్న చార్లెస్ కాలిన్స్ కూడా, ప్రస్తుతం పోప్ లియో తీసుకుంటున్న నిర్ణయాల వెనుక పూర్తి ఉద్దేశాన్ని అర్థం చేసుకునే ప్రయత్నంలో ఉన్నానని అంగీకరించారు.
అగ్రపీఠాధిపతి Salvatore నియామకం ద్వారా పోప్ లియో ప్రాధాన్యతలపై కొన్ని సంకేతాలు కనిపించవచ్చు. అయితే అవి పోప్ స్వయంగా చెప్పిన దానికంటే మనం చేస్తున్న వ్యాఖ్యానాలే ఎక్కువగా ఉండే అవకాశం కూడా ఉంది.
