సెప్టెంబర్ 4, శుక్రవారం, ఆక్స్ఫర్డ్ విశ్వవిద్యాలయంలోని ఓరియల్ కళాశాల విద్యార్థులు, అధ్యాపకులను పోప్ లియో కలిసారు.
ఆక్స్ఫర్డ్ విశ్వవిద్యాలయంలో ఐదవ అత్యంత పురాతనమైన కళాశాల అయిన ఓరియల్ కళాశాల, అనేక సంవత్సరాలపాటు పునీత జాన్ హెన్రీ న్యూమన్ నివసించిన ప్రదేశంగా కూడా ప్రసిద్ధి చెందింది.
“ఓరియల్ కళాశాలకు నిస్సందేహంగా సుదీర్ఘమైన, విశిష్టమైన చరిత్ర ఉంది. ఇంత సుదీర్ఘ కాలంలో సహజంగానే ఎన్నో మార్పులు, సంఘటనలు, చివరకు కల్లోల పరిస్థితులను కూడా అది చవిచూసింది. అయినప్పటికీ, కళాశాల తన క్రైస్తవ గుర్తింపులో స్థిరంగా కొనసాగింది.”
2025లో పునీత న్యూమన్ను శ్రీసభ బోధకుడిగా (Doctor of the Church) ప్రకటించిన విషయాన్ని గుర్తుచేస్తూ, పోప్ ఆయనకు నివాళులర్పించారు.
చివరగా, సత్యాన్ని ధైర్యంగా అన్వేషించాలని, మానవ వ్యక్తిత్వాన్ని సమగ్ర దృక్పథంతో చూడటాన్ని ప్రోత్సహించాలని పోప్ లియో ఓరియల్ కళాశాలకు పిలుపునిచ్చారు.
