ప్రతి బుధవారం పోప్ లియో వాటికన్లోని సెయింట్ పీటర్స్ స్క్వేర్కు తరలివచ్చే విశ్వాసులతో సాధారణ ప్రేక్షకుల సమావేశంలో పాల్గొంటారు.
పోప్ తన ప్రజలను కలుసుకునే ఈ ప్రత్యేక సమయం కేవలం సువార్త బోధనలకే పరిమితం కాదు. విశ్వాసులను పలకరించడం, వారితో మాట్లాడటం, ఆనందాన్ని పంచుకోవడంతో పాటు... సంప్రదాయ నృత్యాలకు కూడా ఇక్కడ చోటుంటుంది.
ఈసారి ఇటలీలోని కాలాబ్రియా ప్రాంతం నుంచి వచ్చిన కళాకారుల బృందం, తమ సంప్రదాయ నృత్యాలను పోప్ లియో ముందు ఉత్సాహంగా ప్రదర్శించింది.
MARIA ROSALE ROCCO-Fantasie Popolari బృంద అధ్యక్షురాలు*
“మా సంప్రదాయాన్ని పోప్కు పరిచయం చేయాలనే ఉద్దేశంతోనే మేమంతా ఇక్కడికి వచ్చాము.”
ఎండ తీవ్రత ఎక్కువగా ఉన్నప్పటికీ, సంగీతం సెయింట్ పీటర్స్ స్క్వేర్ మొత్తాన్ని ఆకట్టుకుంది. అక్కడికి సమీపంలో ఉన్న పలువురు సందర్శకులు కూడా ఈ సంగీతం, నృత్యాలను ఆసక్తిగా వీక్షించారు.
ఈ సాధారణ ప్రేక్షకుల సమావేశానికి వివాహిత జంటలు కూడా తరచుగా హాజరవుతుంటారు.
భారత్కు చెందిన జువాలా, ధోనీ అనే నూతన వధూవరులు కూడా పోప్ను కలుసుకోవడానికి ఈ సమావేశానికి వచ్చారు.
“మేము భారతదేశానికి చెందినవాళ్లమని మాత్రమే పొప్ కు చెప్పగలిగాను అని నూతన వధువు జువాలా అన్నారు. అందుకు ఆయన ‘సరే, ఇటలీకి స్వాగతం’ అని చెప్పారు. అంతే... ఆయనతో మాకు జరిగిన చిన్న సంభాషణ అది.”
“మా జీవితంలో మళ్లీ ఇలాంటి అవకాశం వస్తుందో లేదో తెలియదు. అందుకే ఈ క్షణాన్ని ఎంతో ఆనందంగా ఆస్వాదిస్తున్నాం అని తాను అన్నారు .
ఇలా... ప్రతి బుధవారం జరిగే సాధారణ ప్రేక్షకుల సమావేశం కేవలం బోధనలు వినే కార్యక్రమంగా మాత్రమే కాకుండా, ప్రపంచం నలుమూలల నుంచి వచ్చిన విశ్వాసులు పోప్తో తమ ఆనందాన్ని, సంప్రదాయాలను, జీవితంలోని ప్రత్యేక క్షణాలను పంచుకునే ఆత్మీయ సమయంగా మారుతోంది.
