యుద్ధాలు కాదు.. చర్చలే పరిష్కారం: పోప్ లియో XIV

యుద్ధాలు కాదు.. చర్చలే పరిష్కారం: పోప్ లియో XIV
 
సోమవారం సాయంత్రం మెట్జ్ నుండి రోమ్‌కు విమానంలో ప్రయాణిస్తున్నప్పుడు, పరిశుద్ధ లియో XIV పాపు గారు ఫ్రాన్స్‌కు తన అపోస్టోలిక్ యాత్రలో తనతో పాటు వచ్చిన సుమారు 80 మంది పాత్రికేయులతో మాట్లాడారు.ప్రపంచవ్యాప్తంగా కొనసాగుతున్న సంఘర్షణలు, వాటి వెనుక ఉన్న ఆర్థిక ప్రయోజనాలపై ఆందోళన వ్యక్తం చేశారు. 

“సువార్తను ప్రకటించడంలో శ్రీసభ  తన స్వరాన్ని మరింత బలంగా వినిపిస్తూనే ఉంటుంది. ఆయుధ పరిశ్రమ ద్వారా కొందరు అపారంగా సంపద కూడబెట్టుకుంటున్నారు. ఆయుధాల కోసం ఖర్చు చేస్తున్న ఈ బిలియన్ల డాలర్లను ప్రపంచ ఆకలి వంటి సమస్యలను పరిష్కరించేందుకు ఉపయోగించవచ్చు” అని పరిశుద్ధ లియో XIV పాపు గారు అన్నారు. 

రష్యా, ఉక్రెయిన్ సహా యుద్ధాల్లో ఉన్న దేశాల నాయకులు ఒకే బల్లపై కూర్చొని సమస్యలను చర్చల ద్వారా పరిష్కరించుకోవాలని పరిశుద్ధ లియో XIV పాపు గారు పిలుపునిచ్చారు. రష్యా-ఉక్రెయిన్ యుద్ధం నాలుగో సంవత్సరంలో కొనసాగుతున్న సమయంలో పోప్ ఈ వ్యాఖ్యలు చేశారు.

సువార్తను ప్రకటించడం అంటే కేవలం మతపరమైన సందేశాన్ని ఇవ్వడం మాత్రమే కాదని, మానవ జీవితం మరియు శాంతిని కాపాడే విలువలను కూడా ముందుకు తీసుకెళ్లడం అని పరిశుద్ధ లియో XIV పాపు గారు  అభిప్రాయపడ్డారు. 

విలేకరులు అడిగిన పలు ప్రశ్నలకు సమాధానం ఇస్తూ “ఆ నాలుగు రోజులు ఎన్నో ఆశీర్వాదాలతో నిండిపోయాయి. ముఖ్యంగా లూర్డ్స్‌లో గడిపిన సమయం నాకు ఎంతో ప్రత్యేకంగా అనిపించింది. అనారోగ్యంతో, బాధలతో ఉన్న ఎంతోమందిని కలుసుకుని, వారితో కలిసి ఉండే అవకాశం లభించింది. అక్కడ దైవకృప అనేక రూపాల్లో కనిపించింది. అది ప్రజల హృదయాలను తాకి, వారి జీవితాల్లో మార్పు తీసుకొచ్చింది. ముఖ్యంగా అనారోగ్యంతో ఉన్నవారు, వృద్ధులు, సమాజంలో నిర్లక్ష్యానికి గురవుతున్న వారికి గౌరవం, ఆదరణ లభించడం ఎంతో ఆనందాన్ని కలిగించింది” అని పరిశుద్ధ లియో XIV పాపు గారు  అన్నారు.

Article and Design By M Kranthi Swaroop