శ్రీకాకుళం మేత్రాసనంలో ఘనంగా సెమీ క్రిస్మస్ వేడుకలు
శ్రీకాకుళం పీఠ కాపరి మహా పూజ్య రాయరాల విజయ్ కుమార్ గారి ఆధ్వర్యంలో మరియగిరి పాస్టరల్ సెంటర్ వేదికగా సెమీ క్రిస్మస్ వేడుకలు ఘనంగా జరిగాయి. డిసెంబర్ 15 నుండి వరుసగా మూడురోజుల పాటూ యువతీ యువకులకు, ఉపదేశకులకు, గురువులకు మరియు మఠవాసులకు సెమీ క్రిస్మస్ వేడుకలు నిర్వహించారు.
ఈ కార్యక్రమంలో శ్రీకాకుళం పీఠకాపరి మహా పూజ్య రాయరాల విజయ్ కుమార్ గారు ఇతర గురువులతో కలసి దివ్య బాలి పూజను సమర్పించారు. అమూల్యమైన క్రిస్మస్ సందేశాన్ని అందించారు.
యువతీ యువకుల కొరకు వాలీబాల్ ,కబాడీ, ఇతర ఆటలపోటీలు నిర్వహించారు. వివిధ విచారణాలనుండి అధికసంఖ్యలో యువతీయువకులు పాల్గొన్నారు. వివిధ విచారణల నుండి వచ్చిన యువత క్రిస్మస్ గీతాలను ఆలపించారు. చిన్నారావు, అనిల్ మరియు ఇతరులు దేవుని ప్రేమను చాటుతూ మధురమైన గీతాలను ఆలపించారు. ముఖ్యంగా పార్వతీపురం విచారణ నుండి "కాగన వినయ్" యువతను అలరిస్తూ పడిన పాటలు ఎంతో ఉత్తేజాన్ని నింపాయి.
ఈ కార్యక్రమంలో శ్రీకాకుళ మేత్రాసన వికార్ జనరల్ గురుశ్రీ దూసి దేవరాజు గారు , మరియగిరి పుణ్యక్షేత్ర రెక్టర్ గురుశ్రీ అల్లం విజయ రెడ్డి గారు , గురుశ్రీ డోమినిక్, గురుశ్రీ తంబి రాజు ఇతరులు పాల్గొన్నారు.
Article and Design By
M. Kranthi Swaroop
RVA Telugu Online Content Producer
