వాటికన్లో పరిశుద్ధ పోప్ లియో XIVతో CCBI ప్రతినిధుల భేటీ
వాటికన్లో CCBI (Conference of Catholic Bishops of India) కార్యవర్గ ప్రతినిధులు పరిశుద్ధ పోప్ లియో XIVను కలిశారు. శుక్రవారం, ఆగస్టు 28, 2026న ఈ సమావేశం జరిగింది. ఈ స్నేహపూర్వక సమావేశం 45 నిమిషాలకు పైగా కొనసాగింది.ఈ సందర్భంగా భారతదేశంలోని లాటిన్ కాథలిక్ చర్చి జీవితం, మిషన్, పాస్టరల్ అవసరాలపై పోప్ లియో XIVతో ప్రతినిధులు చర్చించారు.
కలిసిన CCBI ప్రతినిధులతో మహా పూజ్య కార్డినల్ ఫిలిప్ నేరి ఫెర్రావ్ – CCBI అధ్యక్షుడు,మహా పూజ్య పీటర్ మచాడో – CCBI ఉపాధ్యక్షుడు,మహా పూజ్య విన్సెంట్ ఐండ్ – CCBI సెక్రటరీ జనరల్, రెవ. ఫాదర్ డా. స్టీఫెన్ అలథారా – CCBI డిప్యూటీ సెక్రటరీ జనరల్ గార్లు ఉన్నారు.
ఈ సందర్భముగా CCBI ప్రతినిధులు పోప్కు “Journeying Towards a Synodal Church: CCBI Mission 2033” పాస్టరల్ ప్లాన్, 36వ CCBI ప్లీనరీ అసెంబ్లీ భువనేశ్వర్ డాక్యుమెంట్, అలాగే CCBI ఆమోదించిన కాథలిక్ బైబిల్ ప్రతులను అందజేశారు.
పరిశుద్ధ పోప్ లియో XIV గారు సభ్యులుగా ఉన్న 'అగస్టీనియన్ ఆర్డర్'కు ఆరాధ్యులైన సెయింట్ అగస్టీన్ పండుగ రోజున ఈ సమావేశం జరిగింది. CCBI ప్రతినిధి బృందం పరిశుద్ధ పోప్ లియో XIV గారికి పండుగ శుభాకాంక్షలను తెలియజేసింది.
CCBI చరిత్రలో ఈ సమావేశం ఒక ప్రత్యేకమైన ఘట్టంగా నిలిచింది. CCBI కార్యనిర్వాహకులు ఒక ప్రతినిధి బృందంగా కలిసి పొప్ గారిని సందర్శించడం ఇదే మొదటిసారి కావడంతో, ఈ భేటీకి విశేష ప్రాధాన్యత ఏర్పడింది.
Article and Design By M Kranthi Swaroop
