ఆసియన్ క్యాథలిక్ డిజిటల్ మిషనరీస్ అసెంబ్లీ 2026
ఆసియన్ క్యాథలిక్ డిజిటల్ మిషనరీస్ అసెంబ్లీ 2026 సెప్టెంబర్ 10 నుండి 13 వరకు ఫిలిప్పీన్స్లోని క్వెజోన్ సిటీ, మెట్రో మనీలా ప్రాంతంలోని రేడియో వెరిటాస్ ఆసియా (Radio Veritas Asia) ప్రధాన కార్యాలయంలో జరగనుంది.
ఆసియా వ్యాప్తంగా క్యాథలిక్ డిజిటల్ మిషనరీలు, కంటెంట్ క్రియేటర్లు, సోషల్ మీడియా ఎవాంజలిస్టులు, కమ్యూనికేటర్లు, మీడియా నిపుణులు, యువత మరియు డిజిటల్ మంత్రిత్వంలో పనిచేస్తున్న ఫాదర్ లు, సన్యాసినులు మరియు విశ్వాసులను ఒకే వేదికపైకి రావడం ఈ మహాసభ ప్రత్యేకత.
తెలుగు విభాగం నుండి ఇన్ఫ్లుయెన్సర్లు " శ్రీ సృజన్ సెగావ్" మరియు "శ్రీ సాగర్ గబ్బెట"లు ఫిలిప్పీన్స్లోని మనీలా లో జరగనున్న "ఆసియన్ క్యాథలిక్ డిజిటల్ మిషనరీస్ అసెంబ్లీ 2026" లో పాల్గొంటున్నారు.
మూడురోజులపాటు డిజిటల్ మిషన్కు సంబంధించిన అనేక అంశాలపై ప్రసంగాలు, వర్క్షాప్లు, ప్రార్థనలు, అనుభవాల పంచుకోవడం, నెట్వర్కింగ్, గ్రూప్ చర్చలు జరుగుతాయి.
ఇది మొట్టమొదటి ఆసియన్ క్యాథలిక్ డిజిటల్ మిషనరీస్ అసెంబ్లీ. ఆసియా వ్యాప్తంగా డిజిటల్ మిషనరీలు, కంటెంట్ క్రియేటర్లు, కమ్యూనికేటర్లు ఒకే వేదికపై సమావేశమవడం ద్వారా, డిజిటల్ ప్రపంచంలో క్రీస్తు సాక్ష్యాన్ని మరింత బలంగా తీసుకెళ్లేందుకు ఇది ఒక ముఖ్యమైన ముందడుగుగా భావిస్తున్నారు.
Article and Design BY M Kranthi Swaroop
