యువతలో ఆశలు రగిలించిన పోప్ లియో పిలుపు.. ‘నిజమైన శాంతిని వెతకండి’
పరిశుద్ధ లియో XIV పాపు గారు స్టీబెన్విల్ యూత్ కాన్ఫరెన్స్ల 50వ వార్షికోత్సవం సందర్భంగా వేలాది మంది యువతను ఉద్దేశించి ఒక ప్రత్యేక సందేశాన్ని పంపారు.
అస్సిసికి చెందిన సెయింట్ ఫ్రాన్సిస్ జీవితం మరియు బోధనల నుండి స్ఫూర్తి పొందుతూ, దేవునితో లోతైన సంబంధం ద్వారా "నిజమైన శాంతి" మరియు "పరిపూర్ణ ఆనందం" కోసం అన్వేషించమని యువ కాథలిక్కులను పరిశుద్ధ లియో XIV పాపు గారు ప్రోత్సహించారు.
పరిశుద్ధ లియో XIV పాపు గారు అస్సిసికి చెందిన పునీత ఫ్రాన్సిస్ గారి సాక్ష్యాన్ని గురించి ప్రస్తావిస్తూ, ఆ పుణ్యాత్ముని జీవితాన్ని నిర్వచించిన రెండు ప్రధానాంశాలైన నిజమైన "శాంతి మరియు పరిపూర్ణ ఆనందం" గురించి రాశారు.నిజమైన శాంతి దేవుడిచ్చిన బహుమతి అని, అది క్రీస్తుతో ఉన్న సంబంధం నుండి ప్రవహిస్తుందని పరిశుద్ధ లియో XIV పాపు గారు నొక్కి చెప్పారు.
భౌతిక విజయం, ప్రజాదరణ, వినోదం లేదా సోషల్ మీడియాలో శాశ్వతమైన ఆనందం లభించదన్న సెయింట్ ఫ్రాన్సిస్ బోధనను ఉటంకిస్తూ, పరిశుద్ధ లియో XIV పాపు గారు "పరిపూర్ణ ఆనందం" యొక్క అర్థాన్ని కూడా వివరించారు. దేవుని ప్రేమను తెలుసుకోవడం మరియు విశ్వాసంగా ఉండటం ద్వారానే నిజమైన ఆనందం లభిస్తుందని ఆయన వివరించారు.
ఓహియోలోని స్టీబెన్విల్లే ఫ్రాన్సిస్కన్ విశ్వవిద్యాలయం ఆధ్వర్యంలో నిర్వహించే ఈ వార్షిక సమావేశాలు ఉత్తర అమెరికాలోని ఉన్నత పాఠశాల విద్యార్థుల కోసం ఏర్పాటు చేసే అతిపెద్ద క్యాథలిక్ యువజన సువార్త కార్యక్రమాలలో ఒకటి. 1976లో ప్రారంభమైన ఈ సమావేశాలు ఆరాధన, దివ్య సత్ప్రసాద ఆరాధన, పాపొప్పుకోలు, మతబోధన మరియు సహవాసం ద్వారా లక్షలాది మంది యువతను ఆకర్షిస్తున్నాయి.
Article and Design By M Kranthi Swaroop
