హైదరాబాద్, సెప్టెంబర్ 3, 2026: తెలుగు కతోలిక సలహా మండలి (TCC) ప్రత్యేక సమావేశాలు సెప్టెంబర్ 1 నుంచి 3వ తేదీ వరకు నిర్వహించబడ్డాయి. ఈ ప్రత్యేక సమావేశాల ముగింపు రోజైన మూడవ రోజు కార్యక్రమాలు గురువారం, సెప్టెంబర్ 3న నిర్వహించబడ్డాయి.
మూడవ రోజు ఉదయం 8.30 గంటలకు మహా పూజ్య కార్డినల్ పూల అంతోని గారి ఆధ్వర్యంలో పవిత్ర దివ్యబలిపూజ సమర్పించబడింది.
తదుపరి తొలి విడత సమావేశంలో ప్రార్థనతో సమావేశం ప్రారంభమైంది. శ్రీ స్వామినాథన్ గారు ప్రారంభ ప్రార్థన చేసారు. అనంతరం TCBC ప్రధాన కార్యదర్శి మరియు కోశాధికారి మహా పూజ్య కరణం థమన్ కుమార్ గారు స్వాగత సందేశం అందించారు.
గురుశ్రీ రాజు అలెక్స్ గారు పరిచయ ప్రసంగం చేశారు. అనంతరం సమావేశంలో పాల్గొన్న సభ్యులు తమను తాము పరిచయం చేసుకున్నారు. గత సమావేశపు కార్యవివరాలను కార్యదర్శి శ్రీమతి సెలీనా చిన్నప్ప సమర్పించగా, వాటిపై చర్చించి ఆమోదించారు.
రెండవ విడతసమావేశంలో వివిధ అంశాలపై సమాచారాన్ని అందించడంతో పాటు, తెలుగు కతోలిక మండలికి నూతన పాలకవర్గం ఎన్నిక ప్రధాన అంశంగా కొనసాగింది.
ఈ ప్రత్యేక సమావేశాలు తెలుగు కతోలిక సమాజానికి సంబంధించిన ముఖ్యమైన అంశాలపై చర్చించేందుకు, భవిష్యత్ కార్యాచరణకు దిశానిర్దేశం చేసేందుకు, అలాగే మండలి నూతన పాలకవర్గాన్ని ఎన్నుకునేందుకు వేదికగా నిలిచాయి.
