ఆగస్టు 31 ఉదయం కాస్టెల్ గాండోల్ఫోలోని అపోస్టోలిక్ ప్యాలెస్లో ‘హౌస్ ఫర్ ది రిలీఫ్ ఆఫ్ సఫరింగ్’ ఫౌండేషన్కు చెందిన దిశానిర్దేశం మరియు పర్యవేక్షణ కమిషన్ సభ్యులను పోప్ లియో ప్రత్యేకంగా కలిశారు.
ఇటలీలోని దక్షిణ ప్రాంతమైన San Giovanni Rotondoలో ఉన్న ఈ ప్రముఖ వైద్య సంస్థను, St. Pio of Pietrelcina స్థాపించారు. పేదలు, అనారోగ్యంతో బాధపడుతున్న వారికి మెరుగైన వైద్య సేవలు అందించాలనే ఉద్దేశంతో ఈ ఆసుపత్రి ఏర్పాటైంది.
ఈ పర్యవేక్షణ కమిషన్ను పోప్ లియో 2026 మే 27న సంతకం చేసిన ప్రత్యేక ఆదేశం ద్వారా ఏర్పాటు చేశారు.
సమావేశంలో కమిషన్ ఇప్పటివరకు చేపట్టిన పనుల పురోగతిని పోప్ సమీక్షించారు.
ముఖ్యంగా ఫౌండేషన్కు సంబంధించిన ఆర్థిక నిర్వహణ పరిస్థితిని విశ్లేషించడంతో పాటు, ఈ ఆసుపత్రిని పునరుద్ధరించి, దీర్ఘకాలికంగా స్థిరమైన రీతిలో కొనసాగించేందుకు అవసరమైన పరిష్కారాలపై ప్రత్యేక దృష్టి సారించారు.
ప్రస్తుతం కమిషన్ దృష్టి సారిస్తున్న ప్రధాన అంశాలను కూడా పోప్కు వివరించారు. సిబ్బందితో సంబంధాలను స్థిరీకరించడం, ఇటలీ ప్రభుత్వ సంస్థలతో సహకారాన్ని మరింత బలోపేతం చేయడం, అవసరమైన ఆర్థిక వనరులను సమకూర్చుకోవడం, అలాగే ప్రధాన రుణ భారాన్ని క్రమంగా తగ్గించడం వంటి అంశాలు ఇందులో ఉన్నాయి.
కమిషన్కు అప్పగించిన బాధ్యతల్లో భాగంగానే ఈ చర్యలు కొనసాగుతున్నాయి. ఆసుపత్రి సేవలకు ఎలాంటి అంతరాయం కలగకుండా చూడటం, వ్యవస్థాపకుడైన సెయింట్ పియో ఆధ్యాత్మిక వారసత్వాన్ని కాపాడుతూ, ఆసుపత్రిని స్థిరమైన పరిస్థితుల్లోకి తీసుకురావడం, పునరుద్ధరణ ప్రణాళికను అమలు చేయడం కమిషన్ ప్రధాన లక్ష్యాలు.
సెయింట్ పియో స్థాపించిన ఈ ఆసుపత్రి, దాని సేవలు నిరంతరాయంగా కొనసాగడంతో పాటు, భవిష్యత్తులో కూడా అనారోగ్యంతో బాధపడుతున్న వారికి, వారి కుటుంబాలకు సేవలు అందించేలా చూడడమే కమిషన్ ప్రధాన లక్ష్యంగా కొనసాగుతోంది.
