పోప్ లియో విదేశాంగ మంత్రి ఆర్చ్బిషప్ పాల్ రిచర్డ్ ను రష్యాకు పంపించారు.
ఉక్రెయిన్పై రష్యా దాడి ప్రారంభమైన తర్వాత, ఉన్నత స్థాయి వాటికన్ అధికారి రష్యాను సందర్శించడం ఇదే తొలిసారి.
అంతర్జాతీయ సంబంధాలు అత్యంత క్లిష్ట దశలో ఉన్నప్పటికీ, సంభాషణ మార్గాన్ని కొనసాగించాలన్న హోలీ సీ నిబద్ధతను ఈ పర్యటన స్పష్టం చేస్తోందని వాటికన్ తెలిపింది.
ఆగస్టు 27న రష్యా మత పెద్దలను ఆర్చిబిషప్ కలిసారు. మాస్కో కేథడ్రల్లో దివ్యబలిపూజను సమర్పించి , అక్కడి పీఠాధిపతులతో కూడా సమావేశం కానున్నారు.
ఇటలీ బిషప్స్ కాన్ఫరెన్స్ అధ్యక్షుడు కార్డినల్ మాటియో జుప్పి కూడా సెప్టెంబర్లో మానవతా కార్యక్రమంలో భాగంగా రష్యాను సందర్శించాలని భావిస్తున్నారు.
**యుద్ధాన్ని ముగించి శాంతి నెలకొల్పేందుకు వాటికన్ తన దౌత్య ప్రయత్నాలను కొనసాగిస్తోంది.**
