ప్రకృతిని కాపాడుతూ వికలాంగులకు ఉపాధి కల్పిస్తున్న కాథలిక్ సంస్థ
కంబోడియాలోని ఒక కాథలిక్ సామాజిక సేవా సంస్థ కోకో డి టేకియో (Coco de Takeo)ఆ దేశ రాజధాని ఫ్నామ్ పెన్లో జరుగుతున్న జాతీయ పర్యావరణ ప్రదర్శనలో దివ్యాంగులు తయారు చేసిన పర్యావరణ అనుకూల స్థానిక ఉత్పత్తులను ప్రదర్శిస్తోంది.
ఈ వినూత్న కార్యక్రమం ద్వారా దివ్యాంగుల ప్రతిభను ప్రపంచానికి పరిచయం చేయడంతో పాటు, వారికి గౌరవప్రదమైన ఉపాధి అవకాశాలను కల్పిస్తూ, పర్యావరణ పరిరక్షణపై సమాజంలో అవగాహన పెంపొందించే దిశగా విశేష కృషి చేస్తోంది.
ఫ్నామ్ పెన్ అపోస్టోలిక్ వికార్ బిషప్ ఒలివియర్ ష్మిత్హేయస్లర్ స్థాపించిన 'కోకో డి టకేయో' సంస్థ, హస్తకళల ఉత్పత్తి ద్వారా బలహీన వర్గాలకు చెందిన ప్రజలకు ఉపాధి అవకాశాలు కల్పించి, వారి జీవనోపాధికి చేయూతనివ్వాలనే లక్ష్యంతో పనిచేస్తోంది. జాతీయ పర్యావరణ ప్రదర్శనలో ఈ సంస్థ ప్రాసెస్ చేసిన వివిధ రకాల కొబ్బరి ఉత్పత్తులతో పాటు, దివ్యాంగ మహిళలు రూపొందించిన పర్యావరణ అనుకూల హస్తకళా వస్తువులను ప్రదర్శించి సందర్శకులను విశేషంగా ఆకట్టుకుంటోంది.
ఈ కార్యక్రమం బలహీన వర్గాలకు ఆదాయ అవకాశాలను కల్పించడమే కాకుండా, సహజ పదార్థాలను పునర్వినియోగించడం ద్వారా వ్యర్థాలను తగ్గించి పర్యావరణ బాధ్యతను కూడా ప్రోత్సహిస్తుందని కోకో డి టేకియో సమన్వయకర్త మీక్ సోర్న్ అన్నారు.
Article and Design BY M Kranthi Swaroop
