“క్యాథలిక్ హెల్త్ అసోసియేషన్ ఆఫ్ ఇండియా” డైరెక్టర్గా తొలి మహిళ నియమితులయ్యారు.
భారతదేశంలోని అతిపెద్ద క్యాథలిక్ హెల్త్ అసోసియేషన్ ఆఫ్ ఇండియా (CHAI) కు సిస్టర్ హెలెన్ మేరీ ఆంథోనీ గారు నాయకత్వం వహించనున్నారు. తద్వారా CHAI కు నాయకత్వం వహించిన తొలి మహిళగా ఆమె నిలవనున్నారు.
బెంగళూరులోని సిస్టర్స్ ఆఫ్ సెయింట్ ఆన్ కు చెందిన సిస్టర్ హెలెన్ మేరీ ఆంథోనీ మే 1వ తేదీన డైరెక్టర్గా బాధ్యతలు స్వీకరిస్తారు. గైనకాలజీలో ప్రత్యేకత కలిగిన 63 ఏళ్ల ఈ వైద్యురాలికి భారతదేశంలో ఆసుపత్రి నిర్వహణ మరియు వైద్య సేవలో విస్తృతమైన అనుభవం ఉంది.
"ఈ పదవిని స్వీకరించి, దాని వారసత్వాన్ని కొనసాగించడం నాకు సంతోషంగా ఉంది," అని సిస్టర్ ఆంథోనీ తెలిపారు.
క్యాథలిక్ హెల్త్ అసోసియేషన్ ఆఫ్ ఇండియా (CHAI)లో సేవలందిస్తున్న సభ్యులలో దాదాపు 90 శాతం మంది మహిళా సన్యాసినులు(సిస్టర్స్), అలాగే వేలాది మంది సాధారణ కతోలిక నర్సులు ఉన్నారు అని, తన జీవితంలో ఎక్కువ భాగం గ్రామీణ ప్రాంతాల్లో సేవలందించిన అనుభవం ఉందని, "పేదల సంక్షేమమే మా ప్రధాన లక్ష్యంగా కొనసాగుతుంది, వారి శారీరక, మానసిక ఆరోగ్య అవసరాలను తీర్చడానికి మేము కట్టుబడి ఉన్నాము," అని సిస్టర్ ఆంథోనీ తెలిపారు.
ఆస్ట్రేలియన్ మిషనరీ సిస్టర్ మేరీ గ్లోరీ గారు భారతదేశంలో వైద్య సేవలకు పునాది వేసి, 1943లో “క్యాథలిక్ హెల్త్ అసోసియేషన్ ఆఫ్ ఇండియా (CHAI)”ను స్థాపించారని తెలిపారు.
Article and design by M Kranthi Swaroop
