ఇస్తాంబుల్‌లోని బ్లూ మసీదును సందర్శించిన పరిశుద్ధ పోప్ లియో XIV గారు
పరిశుద్ధ పోప్ లియో XIV గారు తన తొలి విదేశీ అపోస్తోలిక ప్రయాణంలో భాగంగా నవంబర్ 29న తన మూడవ రోజున ఇస్తాంబుల్‌లోని ప్రసిద్ధ "బ్లూ మసీదు" అని కూడా పిలువబడే సుల్తాన్ అహ్మద్ మసీదును సందర్శించారు. దీనిని 1609-1616 మధ్య ఒట్టోమన్ పాలకుడు సుల్తాన్ అహ్మద్ I నిర్మించారు.
భవనం గోడలపై ఉన్న ఇజ్నిక్ నుండి 21,000 కంటే ఎక్కువ సిరామిక్ టైల్స్, ప్రధానంగా నీలం మరియు మణి రంగులతో ఉండటం వల్ల మసీదుకు ఆపేరు వచ్చింది.
శనివారం ఉదయం మసీదుకు చేరుకున్న పోప్ లియోపరిశుద్ధ పోప్ లియో XIV గారితో పాటు సంస్కృతి మరియు పర్యాటక శాఖ మంత్రి మెహ్మెట్ నూరి ఎర్సోయ్, ఇస్తాంబుల్ ప్రావిన్షియల్ ముఫ్తీ ఎమ్రుల్లా తున్సెల్, మరియు సుల్తాన్ అహ్మద్ మసీదు ఇమామ్ కుర్రా హఫీజ్ ఫాతిహ్ కయా ఉన్నారు.
పరిశుద్ధ పోప్ లియో XIV గారు బ్లూ మసీదు సందర్శన తర్వాత, మోర్ ఎఫ్రెమ్‌లోని సిరియాక్ ఆర్థోడాక్స్ చర్చిలో స్థానిక చర్చిలు మరియు క్రైస్తవ సంఘాల నాయకులతో ఆయన ప్రైవేట్ సమావేశం నిర్వహించారు.
పరిశుద్ధ పోప్ లియో XIV గారు తన పూర్వీకులు పరిశుద్ధ పొప్ ఫ్రాన్సిస్ (2014లో) మరియు పరిశుద్ధ బెనెడిక్ట్ XVI పొప్ (2006లో) అడుగుజాడలను అనుసరించి బ్లూ మసీదును సందర్శించిన మూడవ పోప్ అయ్యారు.
by M Kranthi Swaroop
