మన పాఠశాలల రక్షణే లక్ష్యం!

మన పాఠశాలల రక్షణే లక్ష్యం!

క్యాథలిక్ విద్యావేత్తలు, పీఠాధిపతులు (బిషప్ లు) మరియు వృత్తి నిపుణులు రూపొందించిన “ఫ్రంట్ రాయల్ స్టేట్‌మెంట్”(Front Royal Statement) కాథోలిక పాఠశాలల కోసం “ఏడు ప్రధాన సూత్రాలను” ప్రతిపాదించింది.

దశాబ్దాలుగా కొనసాగుతున్న విచారణ పాఠశాలల మూసివేత ధోరణి నేపథ్యంలో, ప్రముఖ క్యాథలిక్ విద్యావేత్తలు క్యాథలిక్ సూత్రాలకు తిరిగి రావాలని పిలుపునిస్తున్నారు. వీరి ముఖ్య ఉద్దేశం కాథలిక్ పాఠశాలలు కనుమరుగవకుండా నివారించడం.

మే నెలాఖరులో వర్జీనియాలోని ఫ్రంట్ రాయల్‌లో ఉన్న క్రిస్టెండమ్ కాలేజీలో జరిగిన ఫ్రంట్ రాయల్ ఎడ్యుకేషన్ సమ్మిట్‌లో క్యాథలిక్ బిషప్‌లు, ఉన్నత విద్యా నాయకులు, పండితులు పాల్గొన్నారు.

పలువురు క్యాథలిక్ బిషప్‌లు ఈ లేఖపై సంతకం చేశారు. వారిలో నెబ్రాస్కాలోని లింకన్ బిషప్ జేమ్స్ కాన్లీ; శాన్ ఫ్రాన్సిస్కో ఆర్చ్‌బిషప్ సాల్వటోర్ కార్డిలియోన్; వాషింగ్టన్‌లోని స్పోకేన్ బిషప్ థామస్ డాలీ; ఒహియోలోని కొలంబస్ బిషప్ ఎర్ల్ ఫెర్నాండెజ్; మరియు ఇల్లినాయిస్‌లోని స్ప్రింగ్‌ఫీల్డ్ బిషప్ థామస్ జాన్ పాప్రోకీ వున్నారు. బిషప్ లతో పాటు, క్యాథలిక్ విద్యారంగంలో పాలుపంచుకున్న మొత్తం 45 మంది సంతకాలు చేసారు.

"మనం మన పాఠశాలల పాఠ్యప్రణాళిక, బోధనా పద్ధతులు మరియు సంస్కృతిని పునఃపరిశీలించాలి," అని " ఫ్రంట్ రాయల్ స్టేట్‌మెంట్ " పేర్కొంది.

క్యాథలిక్ పాఠశాలల "క్రమమైన క్షీణత" పట్ల విద్యావేత్తలు ఆందోళన వ్యక్తం చేశారు.ఆ లేఖ ప్రకారం, గత 60 ఏళ్లుగా సంవత్సరానికి సగటున 100 క్యాథలిక్ పాఠశాలలు మూతపడ్డాయి.

"మొత్తం కాథలిక్ జనాభాలో గణనీయమైన పెరుగుదల ఉన్నప్పటికీ, నేడు కేవలం 6,000 కాథలిక్ పాఠశాలలు మాత్రమే మిగిలి ఉన్నాయి అని ఆ ప్రకటన పేర్కొంది.

"తగ్గుతున్న విద్యార్థుల నమోదు, పెరుగుతున్న ఖర్చులు, సుశిక్షితులైన ఉపాధ్యాయులు మరియు నాయకుల కొరత, క్యాథలిక్ పాఠశాలలను కొనసాగించడానికి కొంతమంది మతపెద్దల అయిష్టత, మరియు క్యాథలిక్ విద్య పట్ల కోరిక ఉన్నప్పటికీ అనేక పేద కుటుంబాలు దాని ఫీజులు భరించలేకపోవడం వంటివి ఈ సంక్షోభాన్ని మరింత తీవ్రతరం చేస్తున్నాయి," అని ఆ ప్రకటన కొనసాగింది.

ఆ ఏడు సూత్రాలు: విద్య యొక్క ఆధ్యాత్మిక ముగింపు, మానవ వ్యక్తి యొక్క స్వభావం మరియు గౌరవం; పిల్లలకు దక్కాల్సినవి, తల్లిదండ్రుల హక్కులు మరియు ప్రభుత్వ విధులు; బిషప్‌లు మరియు ఫాదర్ ల సంఘపరమైన బాధ్యత; ఉపాధ్యాయులు మరియు నాయకుల నిర్మాణం మరియు బాధ్యతలు; పాఠ్యప్రణాళిక యొక్క సమగ్రత మరియు క్రమబద్ధత; మరియు సజీవ క్యాథలిక్ సంస్కృతిని అందించడం.

Article and design By M Kranthi Swaroop