'ప్రభూ, ఇంకెంతకాలం?గాజా బాధితుల కోసం పోప్ లియో ప్రార్థన
గాజాలో జరిగింది తాజా దాడిలో ఐదుగురు మరణించిన ఘటనపై పరిశుద్ధ లియో XIV పాపు గారు తీవ్ర విచారం వ్యక్తం చేశారు. మృతుల్లో ఒక క్రైస్తవ తల్లి, ఆమె కుమార్తె కూడా ఉన్నారు. గాజాలోని హోలీ ఫ్యామిలీ కాథలిక్ దేవాలయ ఫాదర్ గాబ్రియేల్ రొమానెల్లీ వెల్లడించిన వివరాల ప్రకారం, పోప్ వ్యక్తిగత సంతాప సందేశం పంపి, మృతుల ఆత్మల కోసం, వారి కుటుంబాల కోసం, అలాగే గాజా మొత్తం ప్రజల కోసం ప్రార్థిస్తున్నట్లు తెలిపారు.
అక్టోబర్ 3, శనివారం తెల్లవారుజామున పశ్చిమ గాజా నగరంలోని రిమల్ ప్రాంతంలో ఒక నివాస భవనంపై ఇజ్రాయెల్ వైమానిక దాడిలో పలువురు గాయపడ్డారు.
మరణవార్త విన్నప్పటి నుండి, నేను వారి కోసం, వారి కుటుంబాల కోసం, గాజా సమాజం మొత్తం కోసం దేవుడిని ప్రార్థిస్తున్నాను. ప్రభూ, ఇంకెంతకాలం? అని పరిశుద్ధ లియో XIV పాపు గారు రాశారు.
"పారిష్‌కు మరియు శాంతియుతంగా జీవించాలని కోరుకునే ఎంతో మంది ప్రజలకు తోడుగా ఉన్నందుకు మీకు ధన్యవాదాలు," అని విచారణకర్త ను ఉద్దేశించి పరిశుద్ధ లియో XIV పాపు గారు అన్నారు.
మరోవైపు, జెరూసలేం లాటిన్ పాట్రియార్క్ అయిన కార్డినల్ పియర్‌బట్టిస్టా పిజ్జాబల్లా, మతగురువులు మరియు డయోసెస్ తరపున అమాయక ప్రాణనష్టాన్ని ఖండిస్తూ తన సంతాపం వ్యక్తం చేశారు.
గాజా నగరంలోని సెయింట్ పోర్ఫిరియస్ దేవాలయంలో శనివారం మహిళల అంత్యక్రియలు జరిగాయి, అక్కడ గ్రీక్ ఆర్థోడాక్స్ పాట్రియార్కల్ వికార్ అయిన మెట్రోపాలిటన్ అలెక్సియోస్ వారి ఆత్మకు శాంతి చేకూరాలని ప్రార్థించారు.
మరోవైపు ఈ దాడి హమాస్ కమాండ్ సెంటర్ లేదా నాయకుడిని లక్ష్యంగా చేసుకుందని ఇజ్రాయెల్ సైన్యం తెలిపింది.
Article and Design By M Kranthi Swaroop
