Freedom Under Grace: Reflections on the Spiritual Tradition That Formed Me పేరుతో ఉన్న ఈ పుస్తకం ఆంగ్ల అనువాదం సెప్టెంబర్ 15, మంగళవారం అమెరికా, బ్రిటన్, ఆస్ట్రేలియా, అలాగే కామన్వెల్త్ దేశాల్లో అందుబాటులోకి వచ్చింది.
పునీత ఆగస్టీన్ ఆధ్యాత్మిక వారసత్వం తన ఆధ్యాత్మిక జీవితాన్ని,మరియు ప్రపంచంపై ఆయన దృక్పథాన్ని ఎలా మలిచాయో ఈ పుస్తకం వివరిస్తుంది.
ఆగస్టీనియన్ సభకు చెందిన తొలి పోప్గా ఈ పుస్తకం ఆయనకు ప్రత్యేక ప్రాధాన్యతను కలిగి ఉంది. అంతేకాకుండా, పోప్ మాతృభాష ఆంగ్లం కావడంతో, ఆంగ్ల భాషా పాఠకులకు ఆయన ఆలోచనలు, ప్రత్యేకమైన దృక్పథాన్ని ఈ పుస్తకం మరింత దగ్గర చేస్తుంది.
Penguin Random House విడుదల చేసిన ప్రకటన ప్రకారం, పోప్గా ఎన్నికకు ముందు ఫాదర్ రాబర్ట్ ప్రెవోస్ట్ ఆగస్టీనియన్ ఆర్డర్ ప్రియర్ జనరల్గా ఉన్న సమయంలో చేసిన ప్రసంగాలు, బోధనలు, వ్యక్తిగత రచనలు ఈ పుస్తకంలో ఉన్నాయి.
ఈ రచనల ద్వారా 9/11 దాడుల అనంతర పరిస్థితులు, వెలుగులోకి వచ్చిన రాజకీయ సిద్ధాంతాలు, పేదరికం మరియు మానవ హక్కులకు సంబంధించిన సంఘర్షణలపై చర్చి స్పందన వంటి అంశాలపై ఆయన ఆలోచనలను తెలుసుకోవచ్చు.
తన ఆధ్యాత్మిక తండ్రిగా భావించే పునీత ఆగస్టీన్ బోధనల నుంచి ప్రేరణ పొందుతూ, సమాజం, పరస్పర సంఘీభావం, అణగారిన వర్గాల వారికి సేవ ఆధారంగా జీవితం సాగించాలనే దృక్పథాన్ని పోప్ లియో ఈ పుస్తకంలో ముందుకు తీసుకొచ్చారు.
ఈ పుస్తకం అసలు ఇటాలియన్ భాషలో **“లిబెరి సొట్టో లా గ్రాజియా”** అనే పేరుతో వాటికన్ పబ్లిషింగ్ హౌస్ ప్రచురించింది.
ఇక ఆడియోబుక్ విషయానికి వస్తే, Emmy award గెలుచుకున్న నటుడు, హాస్యనటుడు మరియు కథోలిక విశ్వాసి స్టీఫెన్ కోల్బర్ట్ పుస్తకంలోని ప్రారంభ బోధనలు, ప్రసంగాలను తన స్వరంతో వినిపించనున్నారు.
ప్రధాన పాఠ్యాన్ని అవార్డు గెలుచుకున్న కథనకర్త, గ్రామీ అవార్డు నామినీ Scott Brick తన స్వరంతో అందించనున్నారు.
