అక్టోబర్ 13, మంగళవారం పోప్ లియో జెమెల్లి విశ్వవిద్యాలయ ఆసుపత్రిలో చేరిన సమయంలో, ప్రపంచవ్యాప్తంగా ఉన్న కతోలిక విశ్వాసులు ఆయన ఆరోగ్యం కోసం ప్రార్థనల్లో పాల్గొన్నారు.
పోప్ ఊపిరితిత్తులో ఉన్న చిన్న, నిర్దిష్ట ప్రాంతానికి పరిమితమైన కణుపును తొలగించేందుకు శస్త్రచికిత్స చేయాలని వైద్యులు నిర్ణయించారు.
రోమ్ వికార్ జనరల్ కార్డినల్ Baldo Reina సాయంత్రం 6 గంటలకు ఆసుపత్రిలోని పునీత రెండవ జాన్ పాల్ ప్రార్థనా మందిరంలో జపమాల ప్రార్థనకు నాయకత్వం వహించారు.
ఈ ప్రార్థనలో ఆసుపత్రిలో చికిత్స పొందుతున్న రోగులతో పాటు వైద్య సిబ్బంది కూడా పాల్గొన్నారు.
నగరంలోని ప్రతి విచారణ, మతసంఘం ఈ ప్రార్థనలో భాగస్వాములు కావాలని కార్డినల్ Baldo Reina పిలుపునిచ్చారు.
అనంతరం, పోప్ లియో ఆరోగ్యం కోసం విశ్వాసులందరూ కలిసి “సాల్వే రెజీనా” అనే మరియమాత స్తోత్రగీతాన్ని ఆలపిస్తూ ప్రార్థించారు.
పోప్‌కు చెందిన అగస్టీనియన్ సభ గురువులు, ఆయన త్వరగా కోలుకోవాలని మాత్రమే కాకుండా, ఆయనకు చికిత్స అందిస్తున్న వైద్య బృందానికి కూడా దేవుని సహాయం లభించాలని ప్రార్థనలు చేయవలసిందిగా విశ్వాసులను కోరారు.
