ఆగ్రా చేరిన రేమండ్ గారి సైకిల్ యాత్ర

హైదరాబాద్ కు చెందిన రేమండ్ అనే యువకుడు మరియమాత గొప్పతనాన్ని చాటుతూ 1 మే 2022 న సైకిల్ యాత్రను ప్రారంభించారు.

దేశ రాజధాని అయిన ఢిల్లీ నుండి ఈ యాత్రను ఆయన ప్రారంభించారు. ఈ యాత్రలో ఆయన భారతదేశంలోని మరియమాత పుణ్యక్షేత్రాలను సందర్శించాలని, తద్వారా మరియతల్లి గొప్పతనాన్ని విశ్వాసులకు చాటుతూ ఆ తల్లి అడుగుజాడలలో అందరు క్రీస్తు ప్రభువును అనుసరించాలని ఆయన ఆకాంక్షిస్తున్నట్లు ఒక ముఖాముఖి కార్యక్రమంలో ఆయన వెల్లడించారు.

ఢిల్లీ నుండి ఈ యాత్రను ప్రారంభించిన ఆయన ఉత్తరప్రదేశ్ లోని మరియతల్లి బాసిలికాను సందర్శించారు. 

ఎటువంటి అవాంతరాలు లేకుండా ఆయన యాత్ర కొనసాగాలని కోరుకుంటూ అమృతవాణి మరియు రేడియో వెరితాస్ ఆసియ తెలుగు విభాగం వారి నుండి రేమండ్ గారికి అభినందనలు.