ఒకరినొకరు క్షమించుకోవడం యుద్ధాన్ని నివారించి శాంతి కోసం కలిసి నడవడానికి సహాయపడుతుంది

1983 నుండి 2005 వరకు దక్షిణ సూడాన్ పీపుల్స్ లిబరేషన్ మూవ్‌మెంట్ నాయకుడు, ఖననం చేయబడిన జాన్ గరాంగ్ సమాధి వద్ద ఫ్రాన్సిస్ పాపు గారు ప్రార్ధనలు జరిపారు. 

కాంటర్‌బరీ ఆర్చ్‌బిషప్, జస్టిన్ వెల్బీ, శాంతికి మరియు క్రైస్తవుడిగా ఉండటానికి మధ్య ఉన్న సంబంధాన్ని వివరించారు. 

క్రైస్తవుడిగా ఉండడం వల్ల విశ్వాసుల సహవాసంలోకి మనల్ని ఆకర్షిస్తుంది. మేము వేర్వేరు దేశాల నుండి, విభిన్న తెగల నుండి, విభిన్న చర్చిల నుండి వచ్చినవారమన్నది ముఖ్యం కాదు. నా ప్రియమైన సోదరులారా, పోప్ ఫ్రాన్సిస్ మరియు మోడరేటర్ ఇయాన్, మేము మీ కుటుంబంగా ఇక్కడ ఉన్నాము అని ఆయన అన్నారు. 

ఆర్చ్ బిషప్ కూడా మహిళల గౌరవాన్ని గౌరవించడం గురించి మాట్లాడాడు మరియు కష్టాలు ఉన్నప్పటికీ వారి కుటుంబాలకు కావలసినవి అందించడంలో వారు చేస్తున్న కృషిని ఆయన ప్రశంసించారు.

చర్చి ఆఫ్ స్కాట్లాండ్ జనరల్ అసెంబ్లీ యొక్క మోడరేటర్, ఇయాన్ గ్రీన్‌షీల్డ్స్ మాట్లాడుతూ, దక్షిణ సూడాన్‌లో మునుపటిలా వివిధ చర్చిలు మరియు వాటి సభ్యులు ఐక్యంగా ఉండాలని అన్నారు.

గతంలో ఈ దేశంలో, శాంతి మరియు సయోధ్య కోసం చర్చిలు కలిసి ఎంతో కృషి చేసాయి. దేశానికి శాంతియుతంగా స్వాతంత్య్రం రావడంలో కీలకపాత్ర పోషించాయి.

పోప్ ఫ్రాన్సిస్ తన ప్రసంగంలో బైబిల్‌లోని ఇజ్రాయెల్‌లతో కలిసి మోషే ఈజిప్ట్‌ను విడిచిపెట్టి, వారిని కుక్కలు మరియు గుర్రపు రథాలు వెంబడించే భాగాన్ని గుర్తు చేసుకున్నారు. అయితే దేవుడు వారికి స్వేచ్ఛను వాగ్దానం చేసినందున వారు భయపడలేదు. దక్షిణ సూడాన్ ప్రజలకు భూమి వాగ్దానం చేయడం శాంతి సమయమని ఆయన అన్నారు.

దేవునికి శాంతి అంటే సంఘర్షణ లేకపోవడం మాత్రమే కాదు, సోదరభావంతో కూడిన సహవాసం అని పోప్ వివరించారు. ఒకరినొకరు క్షమించుకోవడం యుద్ధాన్ని తగ్గించడానికి మరియు వారి పూర్వీకుల అడుగుజాడల్లో శాంతి కోసం కలిసి నడవడానికి సహాయపడుతుందని ఆయన గుర్తుచేశారు.  పోప్ ఫ్రాన్సిస్ అన్నింటికంటే శాంతిని ఎంచుకోవడం యొక్క ప్రాముఖ్యతను వివరించారు.

క్రీస్తును అనుసరించేవారు ఎల్లప్పుడూ శాంతిని ఎంచుకుంటారు. యుద్ధం మరియు హింసను ప్రారంభించేవారు ప్రభువుకు ద్రోహం చేస్తారు మరియు ఆయన సువార్తను తిరస్కరిస్తారు. "నేను నిన్ను ప్రేమించినట్లు మీరు ఒకరినొకరు ప్రేమించాలి." ఇది క్రీస్తు ప్రభుని ఆజ్ఞ అని ఆయన గుర్తు చేసారు.