జాతీయ భద్రతా దినోత్సవం :

జాతీయ భద్రతా దినోత్సవం :

పనిచేసేందుకు వెళ్ళినవారు తిరిగి క్షేమంగా ఇంటికి వస్తారో రారో అన్న ఆందోళనతో కుటుంబసభ్యులు బతకాల్సి వస్తుంది. కుటుంబ పెద్దకు ప్రమాదము జరిగినా, ప్రమాదములో మరణించినా ఇక ఆ కుటుంబము మొత్తము కోలుకోని విధంగా దెబ్బతుంటుంది. అందుకే ప్రతి ఒక్కరూ తమ వంతు బాధ్యతగా భద్రతను పాటించాలి. ప్రతీ కార్మీకుడు తాను తీసుకోవలసిన జాగ్రత్తలు తీసుకుంటే, సూచించిన పద్దతులను పాటిస్తే ప్రమాదాలు సంభవించవు.

ఉద్యోగులు, సామాన్య ప్రజలు తమ జీవనవిధానంలో, వృత్తుల్లో భద్రత, ఆరోగ్య రక్షణను ఒక అంతర్గత భాగంగా మలుచుకునేలా వారిలో అవగాహన పెంపొందించడం ఈ దినోత్సవం ముఖ్య లక్ష్యం. 1972 నుంచి ప్రతీ సంవత్సరం మార్చి 4 న జాతీయ భద్రతా దినోత్సవం (National Safety Day) ను జరుపుకుంటారు. భారత ప్రభుత్వపు కార్మిక మరియు ఉపాధి మంత్రిత్వ శాఖ (Ministry of Labour and Employment) 1966 మార్చి 4 వ తేదీన జాతీయ భద్రతా మండలి (National Safety Council) ని స్థాపించింది.  జాతీయ భద్రతా మండలి (National Safety Council)  ప్రధాన కార్యాలయం  ముంబై లో ఉంది. కార్మికుల భద్రత గురించి చర్చ అక్కడ మొదలైనది . 1962 లో జరిగిన రాష్ట్ర  కార్మిక శాఖామంత్రుల సమావేశములో ప్రమాదాల నివారణకు చేపట్టాల్సిన ఆంశాలమీద చర్చ జరిగింది . 

ప్రతి పనిలోను ఏదో ఒక ప్రమాదము పొంచివుంటుంది. కొన్ని రకాల ప్రమాదాలను ముందుగా పసిగట్టలేము. కాని ప్రమాదాలలో అధిక శాతము అజాగ్రత్తవల్ల సంభవించేవే. నానాటి ప్రమాదాల సంఖ్య పెరుగుతున్నందున పారిశ్రామిక, రహదారి భద్రతల మీద దృష్టి పెంచారు. ప్రాణనష్టం అధికంగా ఉన్న ఈ రంగాలతో పాటు అగ్ని ప్రమాదాల నివారణ గురించి కూడా ప్రచారము నిర్వస్తారు. పారిశ్రామికవేత్తలు కల్పించాల్సిన భద్రతా ఏర్పాట్లు, కార్మికులు పాటించాల్సిన జాగ్రత్తలను వివరించి, వాటిని అమలుజరిగేలా ప్రచారాన్ని జాతీయ భద్రతా వారోత్సవం (National Safety Week) సందర్భముగా నిర్వహిస్తారు.

Add new comment

17 + 0 =